| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૫. અઞ્ઞો અનુસયોતિકથાવણ્ણના
5. Añño anusayotikathāvaṇṇanā
૭૦૦-૭૦૧. ઇદાનિ અઞ્ઞો અનુસયોતિકથા નામ હોતિ. તત્થ યસ્મા પુથુજ્જનો કુસલાબ્યાકતે ચિત્તે વત્તમાને સાનુસયોતિ વત્તબ્બો, ન પરિયુટ્ઠિતોતિ તસ્મા અઞ્ઞો અનુસયો, અઞ્ઞં પરિયુટ્ઠાનન્તિ યેસં લદ્ધિ, સેય્યથાપિ અન્ધકાનં; તે સન્ધાય અઞ્ઞો કામરાગાનુસયોતિ પુચ્છા સકવાદિસ્સ પટિઞ્ઞા ઇતરસ્સ. સેસં હેટ્ઠા અનુસયકથાયં વુત્તનયેનેવ વેદિતબ્બં. સાનુસયોતિઆદિ પન તસ્મિં સમયે અનુસયસ્સ અપ્પહીનત્તા સાનુસયોતિ વત્તબ્બતં, અનુપ્પન્નત્તા ચ પરિયુટ્ઠિતોતિ અવત્તબ્બતં દીપેતિ, ન અનુસયપરિયુટ્ઠાનાનં અઞ્ઞત્તં, તસ્મા અસાધકન્તિ.
700-701. Idāni añño anusayotikathā nāma hoti. Tattha yasmā puthujjano kusalābyākate citte vattamāne sānusayoti vattabbo, na pariyuṭṭhitoti tasmā añño anusayo, aññaṃ pariyuṭṭhānanti yesaṃ laddhi, seyyathāpi andhakānaṃ; te sandhāya añño kāmarāgānusayoti pucchā sakavādissa paṭiññā itarassa. Sesaṃ heṭṭhā anusayakathāyaṃ vuttanayeneva veditabbaṃ. Sānusayotiādi pana tasmiṃ samaye anusayassa appahīnattā sānusayoti vattabbataṃ, anuppannattā ca pariyuṭṭhitoti avattabbataṃ dīpeti, na anusayapariyuṭṭhānānaṃ aññattaṃ, tasmā asādhakanti.
અઞ્ઞો અનુસયોતિકથાવણ્ણના.
Añño anusayotikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૪૦) ૫. અઞ્ઞો અનુસયોતિકથા • (140) 5. Añño anusayotikathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૫. અઞ્ઞોઅનુસયોતિકથાવણ્ણના • 5. Aññoanusayotikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૫. અઞ્ઞોઅનુસયોતિકથાવણ્ણના • 5. Aññoanusayotikathāvaṇṇanā
