| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣. ཨཉྙིནྡྲིཡསུཏྟཝཎྞནཱ
3. Aññindriyasuttavaṇṇanā
༤༩༣. ཏཏིཡེ ཨནཉྙཱཏཉྙསྶཱམཱིཏིནྡྲིཡནྟི ‘‘ཨནམཏགྒེ སཾསཱརེ ཨཛཱནིཏཔུབྦཾ དྷམྨཾ ཛཱནིསྶཱམཱི’’ཏི པཊིཔནྣསྶ སོཏཱཔཏྟིམགྒཀྑཎེ ཨུཔྤནྣཾ ཨིནྡྲིཡཾ། ཨཉྙིནྡྲིཡནྟི ཏེསཾཡེཝ ཉཱཏདྷམྨཱནཾ ཨཱཛཱནནཱཀཱརེན སོཏཱཔཏྟིཕལཱདཱིསུ ཚསུ ཋཱནེསུ ཨུཔྤནྣཾ ཨིནྡྲིཡཾ། ཨཉྙཱཏཱཝིནྡྲིཡནྟི ཨཉྙཱཏཱཝཱིསུ ཨརཧཏྟཕལདྷམྨེསུ ཨུཔྤནྣཾ ཨིནྡྲིཡཾ། ཏཏྠ ཏཏྠ ཏེན ཏེནཱཀཱརེན ཨུཔྤནྣསྶ ཉཱཎསྶེཝེཏཾ ཨདྷིཝཙནཾ། ཨིདམྤི སུཏྟཾ ཨཏྠུཔྤཏྟིཀམེཝ། སངྒྷམཛ྄ཛྷསྨིཉྷི ‘‘ཀཏི ནུ ཁོ ལོཀུཏྟརིནྡྲིཡཱནཱི’’ཏི ཀཐཱ ཨུདཔཱདི, ཨཐ བྷགཝཱ ཏཱནི དསྶེནྟོ ཏཱིཎིམཱནི, བྷིཀྑཝེ, ཨིནྡྲིཡཱནཱིཏིཨཱདིམཱཧ།
493. Tatiye anaññātaññassāmītindriyanti ‘‘anamatagge saṃsāre ajānitapubbaṃ dhammaṃ jānissāmī’’ti paṭipannassa sotāpattimaggakkhaṇe uppannaṃ indriyaṃ. Aññindriyanti tesaṃyeva ñātadhammānaṃ ājānanākārena sotāpattiphalādīsu chasu ṭhānesu uppannaṃ indriyaṃ. Aññātāvindriyanti aññātāvīsu arahattaphaladhammesu uppannaṃ indriyaṃ. Tattha tattha tena tenākārena uppannassa ñāṇassevetaṃ adhivacanaṃ. Idampi suttaṃ atthuppattikameva. Saṅghamajjhasmiñhi ‘‘kati nu kho lokuttarindriyānī’’ti kathā udapādi, atha bhagavā tāni dassento tīṇimāni, bhikkhave, indriyānītiādimāha.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. ཨཉྙིནྡྲིཡསུཏྟཾ • 3. Aññindriyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. ཨཉྙིནྡྲིཡསུཏྟཝཎྞནཱ • 3. Aññindriyasuttavaṇṇanā
