| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
4. அஞ்ஞவிஞ்ஞாபனஸிக்கா²பத³வண்ணனா
4. Aññaviññāpanasikkhāpadavaṇṇanā
படிலாபே⁴னாதி பட²மவிஞ்ஞத்திதோ ஊனதரஸ்ஸாபி அஞ்ஞஸ்ஸ படிலாபே⁴ன.
Paṭilābhenāti paṭhamaviññattito ūnatarassāpi aññassa paṭilābhena.
தஸ்மிங் அப்பஹொந்தே புன தஞ்ஞேவாதி யங் பட²மங் விஞ்ஞத்தங், தோ²கத்தா தஸ்மிங் அப்பஹொந்தே புன தஞ்ஞேவ விஞ்ஞாபெந்தியாதி அத்தோ². அஞ்ஞேனபி அத்தே² ஸதீ தி பட²மங் விஞ்ஞத்திதோ அஞ்ஞேனபி அத்தே² ஸதி. தேன ஸத்³தி⁴ங் அஞ்ஞஞ்சாதி யங் பட²மங் விஞ்ஞத்தங், தேன ஸத்³தி⁴ங் அஞ்ஞஞ்ச. கிங் வுத்தங் ஹோதி? ஸசே பட²மங் ஸப்பி விஞ்ஞத்தங், ‘‘யமகங் பசிதப்³ப³’’ந்தி ச வேஜ்ஜேன வுத்தத்தா தேலேனாபி அத்தோ² ஹோதி. ததோ ‘‘தேலேனாபி மே அத்தோ²’’தி ஏவமாதி³னா அஞ்ஞஞ்ச விஞ்ஞாபெந்தியாதி வுத்தங் ஹோதி. ஆனிஸங்ஸங் த³ஸ்ஸெத்வாதி ‘‘ஸசே கஹாபணஸ்ஸ ஸப்பி ஆப⁴தங் ஹோதி, இமினா மூலேன த்³விகு³ணங் தேலங் லப்³ப⁴தி, தேலேனாபி ச இத³ங் கிச்சங் நிப்பஜ்ஜதி, தஸ்மா தேலங் ஆஹரா’’தி ஏவங் ஆனிஸங்ஸங் த³ஸ்ஸெத்வா.
Tasmiṃ appahonte puna taññevāti yaṃ paṭhamaṃ viññattaṃ, thokattā tasmiṃ appahonte puna taññeva viññāpentiyāti attho. Aññenapi atthe satī ti paṭhamaṃ viññattito aññenapi atthe sati. Tena saddhiṃ aññañcāti yaṃ paṭhamaṃ viññattaṃ, tena saddhiṃ aññañca. Kiṃ vuttaṃ hoti? Sace paṭhamaṃ sappi viññattaṃ, ‘‘yamakaṃ pacitabba’’nti ca vejjena vuttattā telenāpi attho hoti. Tato ‘‘telenāpi me attho’’ti evamādinā aññañca viññāpentiyāti vuttaṃ hoti. Ānisaṃsaṃ dassetvāti ‘‘sace kahāpaṇassa sappi ābhataṃ hoti, iminā mūlena dviguṇaṃ telaṃ labbhati, telenāpi ca idaṃ kiccaṃ nippajjati, tasmā telaṃ āharā’’ti evaṃ ānisaṃsaṃ dassetvā.
அஞ்ஞவிஞ்ஞாபனஸிக்கா²பத³வண்ணனா நிட்டி²தா.
Aññaviññāpanasikkhāpadavaṇṇanā niṭṭhitā.
