| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၂. အညဝာဒကသိက္ခာပဒံ
2. Aññavādakasikkhāpadaṃ
၉၄. ဒုတိယေ အနာစာရန္တိ အစရိတဗ္ဗံ ကာယဝစီဒ္ဝာရဝီတိက္ကမံ။ သဗ္ဗနာမသ္သ အနိယမတ္ထတ္တာ ဣဓ ဝစနန္တိ အာဟ ‘‘အညေန ဝစနေန အညံ ဝစန’’န္တိ။ သောတိ ဘိက္ခု, ဝဒတီတိ သမ္ဗန္ဓော။ ကောတိ ကော ပုဂ္ဂလော။ ကိန္တိ ကိံ အာပတ္တိံ။ ကိသ္မိန္တိ ကိသ္မိံ ဝတ္ထုသ္မိံ။ ကိန္တိ ကိံ ကမ္မံ။ ကန္တိ ကံ ပုဂ္ဂလံ။ ကိန္တိ ကိံ ဝစနံ။
94. Dutiye anācāranti acaritabbaṃ kāyavacīdvāravītikkamaṃ. Sabbanāmassa aniyamatthattā idha vacananti āha ‘‘aññena vacanena aññaṃ vacana’’nti. Soti bhikkhu, vadatīti sambandho. Koti ko puggalo. Kinti kiṃ āpattiṃ. Kisminti kismiṃ vatthusmiṃ. Kinti kiṃ kammaṃ. Kanti kaṃ puggalaṃ. Kinti kiṃ vacanaṃ.
ဧတ္ထာတိ ‘‘ကော အာပန္နော’’တိအာဒိပာဠိယံ။ ‘‘ဘိက္ခူဟီ’’တိ ပဒံ ‘‘ဝုတ္တော’’တိ ပဒေ ကတ္တာ။ အသာရုပ္ပန္တိ ဘိက္ခူနံ အသာရုပ္ပံ။ ဧသောတိ ဧသော အတ္ထော, ဝိဘဝောတိ အတ္ထော။ ဧတန္တိ ဝတ္ထု။ ဘဏန္တော ဝာ ဟုတ္ဝာ အညေနညံ ပဋိစရတီတိ သမ္ဗန္ဓော။ ဧတ္ထာတိ ပဋိစ္ဆန္နာသနေ။ သောတန္တိ သောတဒ္ဝာရံ။ စက္ခုန္တိ စက္ခုဒ္ဝာရံ။
Etthāti ‘‘ko āpanno’’tiādipāḷiyaṃ. ‘‘Bhikkhūhī’’ti padaṃ ‘‘vutto’’ti pade kattā. Asāruppanti bhikkhūnaṃ asāruppaṃ. Esoti eso attho, vibhavoti attho. Etanti vatthu. Bhaṇanto vā hutvā aññenaññaṃ paṭicaratīti sambandho. Etthāti paṭicchannāsane. Sotanti sotadvāraṃ. Cakkhunti cakkhudvāraṃ.
၉၈. အညန္တိ ပုစ္ဆိတတ္ထတော အညံ အပုစ္ဆိတမတ္ထံ။ ဘာဝပ္ပဓာနောယံ ကတ္တုနိဒ္ဒေသောတိ အာဟ ‘‘အညေနညံ ပဋိစရဏသ္သေတံ နာမ’’န္တိ။ တုဏ္ဟီဘာဝသ္သာတိ အဘာသနသ္သ။ အာတ္ယူပသဂ္ဂော လုတ္တနိဒ္ဒိဋ္ဌောတိ အာဟ ‘‘အာရောပေတူ’’တိ။ ဧဝံ ‘‘အရောပိတေ’’တိ ဧတ္ထပိ။ တေနာဟ ‘‘အနာရောပိတေ’’တိ။
98.Aññanti pucchitatthato aññaṃ apucchitamatthaṃ. Bhāvappadhānoyaṃ kattuniddesoti āha ‘‘aññenaññaṃ paṭicaraṇassetaṃ nāma’’nti. Tuṇhībhāvassāti abhāsanassa. Ātyūpasaggo luttaniddiṭṭhoti āha ‘‘āropetū’’ti. Evaṃ ‘‘aropite’’ti etthapi. Tenāha ‘‘anāropite’’ti.
၁၀၁. တန္တိ အညဝာဒကဝိဟေသကရောပနကမ္မံ။ အသ္သာတိ ဘဝေယ္ယ, ဟောတိ ဝာ။
101.Tanti aññavādakavihesakaropanakammaṃ. Assāti bhaveyya, hoti vā.
၁၀၂. ကိန္တိ ကိံ ဝစနံ။ ယေနာတိ ယေန ဗ္ယာဓိနာ ကထေတုံ န သက္ကောတိ, တာဒိသော ဗ္ယာဓိ မုခေ ဟောတီတိ ယောဇနာ။ တပ္ပစ္စယာတိ တတော ကထိတကာရဏာတိ။ ဒုတိယံ။
102.Kinti kiṃ vacanaṃ. Yenāti yena byādhinā kathetuṃ na sakkoti, tādiso byādhi mukhe hotīti yojanā. Tappaccayāti tato kathitakāraṇāti. Dutiyaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဘူတဂာမဝဂ္ဂော • 2. Bhūtagāmavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. အညဝာဒကသိက္ခာပဒဝဏ္ဏနာ • 2. Aññavādakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၂. အညဝာဒကသိက္ခာပဒဝဏ္ဏနာ • 2. Aññavādakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၂. အညဝာဒကသိက္ခာပဒဝဏ္ဏနာ • 2. Aññavādakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၂. အညဝာဒကသိက္ခာပဒဝဏ္ဏနာ • 2. Aññavādakasikkhāpadavaṇṇanā
