| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. அஞ்ஞதரப்³ராஹ்மணஸுத்தவண்ணனா
3. Aññatarabrāhmaṇasuttavaṇṇanā
54. ததியே ஸம்மோத³னீயந்தி ஸம்மோத³ஜனநிங். ஸாரணீயந்தி ஸரிதப்³ப³யுத்தகங். வீதிஸாரெத்வாதி பரியோஸாபெத்வா. கித்தாவதாதி கித்தகேன. ஸந்தி³ட்டி²கோ த⁴ம்மோ ஹோதீதி ஸாமங் பஸ்ஸிதப்³போ³ ஹோதி. அகாலிகோதி ந காலந்தரே ப²லதா³யகோ. ஏஹிபஸ்ஸிகோதி ‘‘ஏஹி பஸ்ஸா’’தி ஏவங் த³ஸ்ஸேதுங் ஸக்காதி ஆக³மனீயபடிபத³ங் புச்ச²தி. ஓபனெய்யிகோதி அத்தனோ சித்தங் உபனேதப்³போ³. பச்சத்தங் வேதி³தப்³போ³தி ஸாமங்யேவ ஜானிதப்³போ³. விஞ்ஞூஹீதி பண்டி³தேஹி. பரியாதி³ன்னசித்தோதி ஆதி³ன்னக³ஹிதபராமட்ட²சித்தோ ஹுத்வா. சேதேதீதி சிந்தேதி. ஸேஸமெத்த² உத்தானமேவ. இமஸ்மிங் பன ஸுத்தே ப்³ராஹ்மணேன லோகுத்தரமக்³கோ³ புச்சி²தோ, ஸத்தா²ராபி ஸோயேவ கதி²தோ. ஸோ ஹி ஸாமங் பஸ்ஸிதப்³ப³த்தா ஸந்தி³ட்டி²கோ நாமாதி.
54. Tatiye sammodanīyanti sammodajananiṃ. Sāraṇīyanti saritabbayuttakaṃ. Vītisāretvāti pariyosāpetvā. Kittāvatāti kittakena. Sandiṭṭhiko dhammo hotīti sāmaṃ passitabbo hoti. Akālikoti na kālantare phaladāyako. Ehipassikoti ‘‘ehi passā’’ti evaṃ dassetuṃ sakkāti āgamanīyapaṭipadaṃ pucchati. Opaneyyikoti attano cittaṃ upanetabbo. Paccattaṃ veditabboti sāmaṃyeva jānitabbo. Viññūhīti paṇḍitehi. Pariyādinnacittoti ādinnagahitaparāmaṭṭhacitto hutvā. Cetetīti cinteti. Sesamettha uttānameva. Imasmiṃ pana sutte brāhmaṇena lokuttaramaggo pucchito, satthārāpi soyeva kathito. So hi sāmaṃ passitabbattā sandiṭṭhiko nāmāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. அஞ்ஞதரப்³ராஹ்மணஸுத்தங் • 3. Aññatarabrāhmaṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3-4. அஞ்ஞதரப்³ராஹ்மணஸுத்தாதி³வண்ணனா • 3-4. Aññatarabrāhmaṇasuttādivaṇṇanā
