| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. အညတရဘိက္ခုသုတ္တဝဏ္ဏနာ
3. Aññatarabhikkhusuttavaṇṇanā
၃၅. ယဒိ ရူပံ အနုသေတီတိ ရူပဓမ္မေ အာရဗ္ဘ ယဒိ ရာဂာဒယော အနုသယနဝသေန ပဝတ္တန္တိ။ တေန သင္ခံ ဂစ္ဆတီတိ တေန ရာဂာဒိနာ တံသမင္ဂီပုဂ္ဂလော သင္ခာတဗ္ဗတံ ‘‘ရတ္တော ဒုဋ္ဌော’’တိအာဒိနာ ဝောဟရိတဗ္ဗတံ ဥပဂစ္ဆတီတိ။ တေနာဟ ‘‘ကာမရာဂာဒီသူ’’တိအာဒိ။ အဘူတေနာတိ အဇာတေန အနုသယဝသေန အပ္ပဝတ္တေန။ အနုသယသီသေန ဟေတ္ထ အဘိဘဝံ ဝဒတိ။ ယတော ‘‘ရတ္တော ဒုဋ္ဌော မူဠ္ဟောတိ သင္ခံ န ဂစ္ဆတီ’’တိ ဝုတ္တံ။ နိပ္ပရိယာယတော ဟိ မဂ္ဂဝဇ္ဈကိလေသာ အနုသယော။
35.Yadi rūpaṃ anusetīti rūpadhamme ārabbha yadi rāgādayo anusayanavasena pavattanti. Tena saṅkhaṃ gacchatīti tena rāgādinā taṃsamaṅgīpuggalo saṅkhātabbataṃ ‘‘ratto duṭṭho’’tiādinā voharitabbataṃ upagacchatīti. Tenāha ‘‘kāmarāgādīsū’’tiādi. Abhūtenāti ajātena anusayavasena appavattena. Anusayasīsena hettha abhibhavaṃ vadati. Yato ‘‘ratto duṭṭho mūḷhoti saṅkhaṃ na gacchatī’’ti vuttaṃ. Nippariyāyato hi maggavajjhakilesā anusayo.
အညတရဘိက္ခုသုတ္တဝဏ္ဏနာ နိဋ္ဌိတာ။
Aññatarabhikkhusuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. အညတရဘိက္ခုသုတ္တံ • 3. Aññatarabhikkhusuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. အညတရဘိက္ခုသုတ္တဝဏ္ဏနာ • 3. Aññatarabhikkhusuttavaṇṇanā
