| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૩. અઞ્ઞતરભિક્ખુસુત્તવણ્ણના
3. Aññatarabhikkhusuttavaṇṇanā
૩૫. યદિ રૂપં અનુસેતીતિ રૂપધમ્મે આરબ્ભ યદિ રાગાદયો અનુસયનવસેન પવત્તન્તિ. તેન સઙ્ખં ગચ્છતીતિ તેન રાગાદિના તંસમઙ્ગીપુગ્ગલો સઙ્ખાતબ્બતં ‘‘રત્તો દુટ્ઠો’’તિઆદિના વોહરિતબ્બતં ઉપગચ્છતીતિ. તેનાહ ‘‘કામરાગાદીસૂ’’તિઆદિ. અભૂતેનાતિ અજાતેન અનુસયવસેન અપ્પવત્તેન. અનુસયસીસેન હેત્થ અભિભવં વદતિ. યતો ‘‘રત્તો દુટ્ઠો મૂળ્હોતિ સઙ્ખં ન ગચ્છતી’’તિ વુત્તં. નિપ્પરિયાયતો હિ મગ્ગવજ્ઝકિલેસા અનુસયો.
35.Yadi rūpaṃ anusetīti rūpadhamme ārabbha yadi rāgādayo anusayanavasena pavattanti. Tena saṅkhaṃ gacchatīti tena rāgādinā taṃsamaṅgīpuggalo saṅkhātabbataṃ ‘‘ratto duṭṭho’’tiādinā voharitabbataṃ upagacchatīti. Tenāha ‘‘kāmarāgādīsū’’tiādi. Abhūtenāti ajātena anusayavasena appavattena. Anusayasīsena hettha abhibhavaṃ vadati. Yato ‘‘ratto duṭṭho mūḷhoti saṅkhaṃ na gacchatī’’ti vuttaṃ. Nippariyāyato hi maggavajjhakilesā anusayo.
અઞ્ઞતરભિક્ખુસુત્તવણ્ણના નિટ્ઠિતા.
Aññatarabhikkhusuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૩. અઞ્ઞતરભિક્ખુસુત્તં • 3. Aññatarabhikkhusuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૩. અઞ્ઞતરભિક્ખુસુત્તવણ્ણના • 3. Aññatarabhikkhusuttavaṇṇanā
