| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. အန္နသုတ္တဝဏ္ဏနာ
3. Annasuttavaṇṇanā
၄၃. ပတ္ထေန္တီတိ ပိဟေန္တိ။ ယတ္ထသ္သ ဥပဂမနံ လောကေ ပာကဋတရံ အဟောသိ, တေ ဥဒာဟရဏဝသေန ဒသ္သေန္တော ‘‘စိတ္တဂဟပတိသီဝလိတ္ထေရာဒိကေ ဝိယာ’’တိ အာဟ။ အန္နန္တိ အန္နသညိတော စတုဗ္ဗိဓောပိ ပစ္စယော။ သဗ္ဗေပိ ဒာယကေ ဧကဇ္ဈံ ဂဟေတ္ဝာ သာမညတော ဧကဝသေန ‘‘ဒာယကမေဝာ’’တိ ဝုတ္တံ, ယထာ စာဟ ‘‘ကော နာမ သော ယက္ခော, ယံ အန္နံ နာဘိနန္ဒတီ’’တိ? တတ္ထ ယက္ခောတိ သတ္တော။ သာမညဇောတနာ စ နာမ ယသ္မာ ပုထုအတ္ထဝိသယာ, တသ္မာ ‘‘ယေ နံ ဒဒန္တိ သဒ္ဓာယ, ဝိပ္ပသန္နေန စေတသာ။ တမေဝ အန္နံ ဘဇတီ’’တိ ဝုတ္တံ။ တတ္ထ မ-ကာရော ပဒသန္ဓိကရော, တေ ဧဝာတိ အတ္ထော။ ဒာယကံ အပရိစ္စဇနမေဝ အနုဂစ္ဆတိ စက္ကံ ဝိယ ကုဗ္ဗရံ။
43.Patthentīti pihenti. Yatthassa upagamanaṃ loke pākaṭataraṃ ahosi, te udāharaṇavasena dassento ‘‘cittagahapatisīvalittherādike viyā’’ti āha. Annanti annasaññito catubbidhopi paccayo. Sabbepi dāyake ekajjhaṃ gahetvā sāmaññato ekavasena ‘‘dāyakamevā’’ti vuttaṃ, yathā cāha ‘‘ko nāma so yakkho, yaṃ annaṃ nābhinandatī’’ti? Tattha yakkhoti satto. Sāmaññajotanā ca nāma yasmā puthuatthavisayā, tasmā ‘‘ye naṃ dadanti saddhāya, vippasannena cetasā. Tameva annaṃ bhajatī’’ti vuttaṃ. Tattha ma-kāro padasandhikaro, te evāti attho. Dāyakaṃ apariccajanameva anugacchati cakkaṃ viya kubbaraṃ.
အန္နသုတ္တဝဏ္ဏနာ နိဋ္ဌိတာ။
Annasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. အန္နသုတ္တံ • 3. Annasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. အန္နသုတ္တဝဏ္ဏနာ • 3. Annasuttavaṇṇanā
