| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૩. અન્નસુત્તવણ્ણના
3. Annasuttavaṇṇanā
૪૩. પત્થેન્તીતિ પિહેન્તિ. યત્થસ્સ ઉપગમનં લોકે પાકટતરં અહોસિ, તે ઉદાહરણવસેન દસ્સેન્તો ‘‘ચિત્તગહપતિસીવલિત્થેરાદિકે વિયા’’તિ આહ. અન્નન્તિ અન્નસઞ્ઞિતો ચતુબ્બિધોપિ પચ્ચયો. સબ્બેપિ દાયકે એકજ્ઝં ગહેત્વા સામઞ્ઞતો એકવસેન ‘‘દાયકમેવા’’તિ વુત્તં, યથા ચાહ ‘‘કો નામ સો યક્ખો, યં અન્નં નાભિનન્દતી’’તિ? તત્થ યક્ખોતિ સત્તો. સામઞ્ઞજોતના ચ નામ યસ્મા પુથુઅત્થવિસયા, તસ્મા ‘‘યે નં દદન્તિ સદ્ધાય, વિપ્પસન્નેન ચેતસા. તમેવ અન્નં ભજતી’’તિ વુત્તં. તત્થ મ-કારો પદસન્ધિકરો, તે એવાતિ અત્થો. દાયકં અપરિચ્ચજનમેવ અનુગચ્છતિ ચક્કં વિય કુબ્બરં.
43.Patthentīti pihenti. Yatthassa upagamanaṃ loke pākaṭataraṃ ahosi, te udāharaṇavasena dassento ‘‘cittagahapatisīvalittherādike viyā’’ti āha. Annanti annasaññito catubbidhopi paccayo. Sabbepi dāyake ekajjhaṃ gahetvā sāmaññato ekavasena ‘‘dāyakamevā’’ti vuttaṃ, yathā cāha ‘‘ko nāma so yakkho, yaṃ annaṃ nābhinandatī’’ti? Tattha yakkhoti satto. Sāmaññajotanā ca nāma yasmā puthuatthavisayā, tasmā ‘‘ye naṃ dadanti saddhāya, vippasannena cetasā. Tameva annaṃ bhajatī’’ti vuttaṃ. Tattha ma-kāro padasandhikaro, te evāti attho. Dāyakaṃ apariccajanameva anugacchati cakkaṃ viya kubbaraṃ.
અન્નસુત્તવણ્ણના નિટ્ઠિતા.
Annasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૩. અન્નસુત્તં • 3. Annasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૩. અન્નસુત્તવણ્ણના • 3. Annasuttavaṇṇanā
