| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. අන්නසංසාවකත්ථෙරඅපදානං
6. Annasaṃsāvakattheraapadānaṃ
34.
34.
‘‘සුවණ්ණවණ්ණං සම්බුද්ධං, ගච්ඡන්තං අන්තරාපණෙ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
කඤ්චනග්ඝියසඞ්කාසං, බාත්තිංසවරලක්ඛණං.
Kañcanagghiyasaṅkāsaṃ, bāttiṃsavaralakkhaṇaṃ.
35.
35.
‘‘සිද්ධත්ථං සබ්බසිද්ධත්ථං, අනෙජං අපරාජිතං;
‘‘Siddhatthaṃ sabbasiddhatthaṃ, anejaṃ aparājitaṃ;
සම්බුද්ධං අතිනාමෙත්වා, භොජයිං තං මහාමුනිං.
Sambuddhaṃ atināmetvā, bhojayiṃ taṃ mahāmuniṃ.
36.
36.
‘‘මුනි කාරුණිකො ලොකෙ, ඔභාසයි මමං තදා;
‘‘Muni kāruṇiko loke, obhāsayi mamaṃ tadā;
බුද්ධෙ චිත්තං පසාදෙත්වා, කප්පං සග්ගම්හි මොදහං.
Buddhe cittaṃ pasādetvā, kappaṃ saggamhi modahaṃ.
37.
37.
‘‘චතුන්නවුතිතො කප්පෙ, යං දානමදදිං තදා;
‘‘Catunnavutito kappe, yaṃ dānamadadiṃ tadā;
දුග්ගතිං නාභිජානාමි, භික්ඛාදානස්සිදං ඵලං.
Duggatiṃ nābhijānāmi, bhikkhādānassidaṃ phalaṃ.
38.
38.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා අන්නසංසාවකො ථෙරො ඉමා ගාථායො අභාසිත්ථාති;
Itthaṃ sudaṃ āyasmā annasaṃsāvako thero imā gāthāyo abhāsitthāti;
අන්නසංසාවකත්ථෙරස්සාපදානං ඡට්ඨං.
Annasaṃsāvakattherassāpadānaṃ chaṭṭhaṃ.
