| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. अन्नसंसावकत्थेरअपदानं
6. Annasaṃsāvakattheraapadānaṃ
३४.
34.
‘‘सुवण्णवण्णं सम्बुद्धं, गच्छन्तं अन्तरापणे।
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
कञ्चनग्घियसङ्कासं, बात्तिंसवरलक्खणं॥
Kañcanagghiyasaṅkāsaṃ, bāttiṃsavaralakkhaṇaṃ.
३५.
35.
‘‘सिद्धत्थं सब्बसिद्धत्थं, अनेजं अपराजितं।
‘‘Siddhatthaṃ sabbasiddhatthaṃ, anejaṃ aparājitaṃ;
सम्बुद्धं अतिनामेत्वा, भोजयिं तं महामुनिं॥
Sambuddhaṃ atināmetvā, bhojayiṃ taṃ mahāmuniṃ.
३६.
36.
‘‘मुनि कारुणिको लोके, ओभासयि ममं तदा।
‘‘Muni kāruṇiko loke, obhāsayi mamaṃ tadā;
बुद्धे चित्तं पसादेत्वा, कप्पं सग्गम्हि मोदहं॥
Buddhe cittaṃ pasādetvā, kappaṃ saggamhi modahaṃ.
३७.
37.
‘‘चतुन्नवुतितो कप्पे, यं दानमददिं तदा।
‘‘Catunnavutito kappe, yaṃ dānamadadiṃ tadā;
दुग्गतिं नाभिजानामि, भिक्खादानस्सिदं फलं॥
Duggatiṃ nābhijānāmi, bhikkhādānassidaṃ phalaṃ.
३८.
38.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा अन्नसंसावको थेरो इमा गाथायो अभासित्थाति।
Itthaṃ sudaṃ āyasmā annasaṃsāvako thero imā gāthāyo abhāsitthāti;
अन्नसंसावकत्थेरस्सापदानं छट्ठं।
Annasaṃsāvakattherassāpadānaṃ chaṭṭhaṃ.
