| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੫. ਪਨ੍ਨਰਸਮવਗ੍ਗੋ
15. Pannarasamavaggo
(੧੪੬) ੨. ਅਞ੍ਞਮਞ੍ਞਪਚ੍ਚਯਕਥਾ
(146) 2. Aññamaññapaccayakathā
੭੧੮. ਅવਿਜ੍ਜਾਪਚ੍ਚਯਾવ ਸਙ੍ਖਾਰਾ, ਨ વਤ੍ਤਬ੍ਬਂ – ‘‘ਸਙ੍ਖਾਰਪਚ੍ਚਯਾਪਿ ਅવਿਜ੍ਜਾ’’ਤਿ? ਆਮਨ੍ਤਾ। ਨਨੁ ਅવਿਜ੍ਜਾ ਸਙ੍ਖਾਰੇਨ ਸਹਜਾਤਾਤਿ? ਆਮਨ੍ਤਾ । ਹਞ੍ਚਿ ਅવਿਜ੍ਜਾ ਸਙ੍ਖਾਰੇਨ ਸਹਜਾਤਾ, ਤੇਨ વਤ ਰੇ વਤ੍ਤਬ੍ਬੇ – ‘‘ਅવਿਜ੍ਜਾਪਚ੍ਚਯਾਪਿ ਸਙ੍ਖਾਰਾ, ਸਙ੍ਖਾਰਪਚ੍ਚਯਾਪਿ ਅવਿਜ੍ਜਾ’’ਤਿ।
718. Avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti? Āmantā. Nanu avijjā saṅkhārena sahajātāti? Āmantā . Hañci avijjā saṅkhārena sahajātā, tena vata re vattabbe – ‘‘avijjāpaccayāpi saṅkhārā, saṅkhārapaccayāpi avijjā’’ti.
ਤਣ੍ਹਾਪਚ੍ਚਯਾવ ਉਪਾਦਾਨਂ, ਨ વਤ੍ਤਬ੍ਬਂ – ‘‘ਉਪਾਦਾਨਪਚ੍ਚਯਾਪਿ ਤਣ੍ਹਾ’’ਤਿ? ਆਮਨ੍ਤਾ। ਨਨੁ ਤਣ੍ਹਾ ਉਪਾਦਾਨੇਨ ਸਹਜਾਤਾਤਿ? ਆਮਨ੍ਤਾ। ਹਞ੍ਚਿ ਤਣ੍ਹਾ ਉਪਾਦਾਨੇਨ ਸਹਜਾਤਾ, ਤੇਨ વਤ ਰੇ વਤ੍ਤਬ੍ਬੇ – ‘‘ਤਣ੍ਹਾਪਚ੍ਚਯਾਪਿ ਉਪਾਦਾਨਂ, ਉਪਾਦਾਨਪਚ੍ਚਯਾਪਿ ਤਣ੍ਹਾ’’ਤਿ।
Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti? Āmantā. Nanu taṇhā upādānena sahajātāti? Āmantā. Hañci taṇhā upādānena sahajātā, tena vata re vattabbe – ‘‘taṇhāpaccayāpi upādānaṃ, upādānapaccayāpi taṇhā’’ti.
੭੧੯. ‘‘ਜਰਾਮਰਣਪਚ੍ਚਯਾ , ਭਿਕ੍ਖવੇ, ਜਾਤਿ, ਜਾਤਿਪਚ੍ਚਯਾ ਭવੋ’’ਤਿ – ਅਤ੍ਥੇવ ਸੁਤ੍ਤਨ੍ਤੋਤਿ ? ਨਤ੍ਥਿ। ਤੇਨ ਹਿ ਅવਿਜ੍ਜਾਪਚ੍ਚਯਾવ ਸਙ੍ਖਾਰਾ, ਨ વਤ੍ਤਬ੍ਬਂ – ‘‘ਸਙ੍ਖਾਰਪਚ੍ਚਯਾਪਿ ਅવਿਜ੍ਜਾ’’ਤਿ। ਤਣ੍ਹਾਪਚ੍ਚਯਾવ ਉਪਾਦਾਨਂ, ਨ વਤ੍ਤਬ੍ਬਂ – ‘‘ਉਪਾਦਾਨਪਚ੍ਚਯਾਪਿ ਤਣ੍ਹਾ’’ਤਿ।
719. ‘‘Jarāmaraṇapaccayā , bhikkhave, jāti, jātipaccayā bhavo’’ti – attheva suttantoti ? Natthi. Tena hi avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti. Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti.
‘‘વਿਞ੍ਞਾਣਪਚ੍ਚਯਾ, ਭਿਕ੍ਖવੇ, ਨਾਮਰੂਪਂ, ਨਾਮਰੂਪਪਚ੍ਚਯਾਪਿ વਿਞ੍ਞਾਣ’’ਨ੍ਤਿ 1 – ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਅવਿਜ੍ਜਾਪਚ੍ਚਯਾਪਿ ਸਙ੍ਖਾਰਾ, ਸਙ੍ਖਾਰਪਚ੍ਚਯਾਪਿ ਅવਿਜ੍ਜਾ; ਤਣ੍ਹਾਪਚ੍ਚਯਾਪਿ ਉਪਾਦਾਨਂ, ਉਪਾਦਾਨਪਚ੍ਚਯਾਪਿ ਤਣ੍ਹਾਤਿ।
‘‘Viññāṇapaccayā, bhikkhave, nāmarūpaṃ, nāmarūpapaccayāpi viññāṇa’’nti 2 – attheva suttantoti? Āmantā. Tena hi avijjāpaccayāpi saṅkhārā, saṅkhārapaccayāpi avijjā; taṇhāpaccayāpi upādānaṃ, upādānapaccayāpi taṇhāti.
ਅਞ੍ਞਮਞ੍ਞਪਚ੍ਚਯਕਥਾ ਨਿਟ੍ਠਿਤਾ।
Aññamaññapaccayakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੨. ਅਞ੍ਞਮਞ੍ਞਪਚ੍ਚਯਕਥਾવਣ੍ਣਨਾ • 2. Aññamaññapaccayakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਅਞ੍ਞਮਞ੍ਞਪਚ੍ਚਯਕਥਾવਣ੍ਣਨਾ • 2. Aññamaññapaccayakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਅਞ੍ਞਮਞ੍ਞਪਚ੍ਚਯਕਥਾવਣ੍ਣਨਾ • 2. Aññamaññapaccayakathāvaṇṇanā
