| Library / Tipiṭaka / တိပိဋက • Tipiṭaka / ကထာဝတ္ထုပာဠိ • Kathāvatthupāḷi |
၁၅. ပန္နရသမဝဂ္ဂော
15. Pannarasamavaggo
(၁၄၆) ၂. အညမညပစ္စယကထာ
(146) 2. Aññamaññapaccayakathā
၇၁၈. အဝိဇ္ဇာပစ္စယာဝ သင္ခာရာ, န ဝတ္တဗ္ဗံ – ‘‘သင္ခာရပစ္စယာပိ အဝိဇ္ဇာ’’တိ? အာမန္တာ။ နနု အဝိဇ္ဇာ သင္ခာရေန သဟဇာတာတိ? အာမန္တာ ။ ဟဉ္စိ အဝိဇ္ဇာ သင္ခာရေန သဟဇာတာ, တေန ဝတ ရေ ဝတ္တဗ္ဗေ – ‘‘အဝိဇ္ဇာပစ္စယာပိ သင္ခာရာ, သင္ခာရပစ္စယာပိ အဝိဇ္ဇာ’’တိ။
718. Avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti? Āmantā. Nanu avijjā saṅkhārena sahajātāti? Āmantā . Hañci avijjā saṅkhārena sahajātā, tena vata re vattabbe – ‘‘avijjāpaccayāpi saṅkhārā, saṅkhārapaccayāpi avijjā’’ti.
တဏ္ဟာပစ္စယာဝ ဥပာဒာနံ, န ဝတ္တဗ္ဗံ – ‘‘ဥပာဒာနပစ္စယာပိ တဏ္ဟာ’’တိ? အာမန္တာ။ နနု တဏ္ဟာ ဥပာဒာနေန သဟဇာတာတိ? အာမန္တာ။ ဟဉ္စိ တဏ္ဟာ ဥပာဒာနေန သဟဇာတာ, တေန ဝတ ရေ ဝတ္တဗ္ဗေ – ‘‘တဏ္ဟာပစ္စယာပိ ဥပာဒာနံ, ဥပာဒာနပစ္စယာပိ တဏ္ဟာ’’တိ။
Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti? Āmantā. Nanu taṇhā upādānena sahajātāti? Āmantā. Hañci taṇhā upādānena sahajātā, tena vata re vattabbe – ‘‘taṇhāpaccayāpi upādānaṃ, upādānapaccayāpi taṇhā’’ti.
၇၁၉. ‘‘ဇရာမရဏပစ္စယာ , ဘိက္ခဝေ, ဇာတိ, ဇာတိပစ္စယာ ဘဝော’’တိ – အတ္ထေဝ သုတ္တန္တောတိ ? နတ္ထိ။ တေန ဟိ အဝိဇ္ဇာပစ္စယာဝ သင္ခာရာ, န ဝတ္တဗ္ဗံ – ‘‘သင္ခာရပစ္စယာပိ အဝိဇ္ဇာ’’တိ။ တဏ္ဟာပစ္စယာဝ ဥပာဒာနံ, န ဝတ္တဗ္ဗံ – ‘‘ဥပာဒာနပစ္စယာပိ တဏ္ဟာ’’တိ။
719. ‘‘Jarāmaraṇapaccayā , bhikkhave, jāti, jātipaccayā bhavo’’ti – attheva suttantoti ? Natthi. Tena hi avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti. Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti.
‘‘ဝိညာဏပစ္စယာ, ဘိက္ခဝေ, နာမရူပံ, နာမရူပပစ္စယာပိ ဝိညာဏ’’န္တိ 1 – အတ္ထေဝ သုတ္တန္တောတိ? အာမန္တာ။ တေန ဟိ အဝိဇ္ဇာပစ္စယာပိ သင္ခာရာ, သင္ခာရပစ္စယာပိ အဝိဇ္ဇာ; တဏ္ဟာပစ္စယာပိ ဥပာဒာနံ, ဥပာဒာနပစ္စယာပိ တဏ္ဟာတိ။
‘‘Viññāṇapaccayā, bhikkhave, nāmarūpaṃ, nāmarūpapaccayāpi viññāṇa’’nti 2 – attheva suttantoti? Āmantā. Tena hi avijjāpaccayāpi saṅkhārā, saṅkhārapaccayāpi avijjā; taṇhāpaccayāpi upādānaṃ, upādānapaccayāpi taṇhāti.
အညမညပစ္စယကထာ နိဋ္ဌိတာ။
Aññamaññapaccayakathā niṭṭhitā.
Footnotes:
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၂. အညမညပစ္စယကထာဝဏ္ဏနာ • 2. Aññamaññapaccayakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၂. အညမညပစ္စယကထာဝဏ္ဏနာ • 2. Aññamaññapaccayakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၂. အညမညပစ္စယကထာဝဏ္ဏနာ • 2. Aññamaññapaccayakathāvaṇṇanā
