| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១៥. បន្នរសមវគ្គោ
15. Pannarasamavaggo
(១៤៦) ២. អញ្ញមញ្ញបច្ចយកថា
(146) 2. Aññamaññapaccayakathā
៧១៨. អវិជ្ជាបច្ចយាវ សង្ខារា, ន វត្តព្ពំ – ‘‘សង្ខារបច្ចយាបិ អវិជ្ជា’’តិ? អាមន្តា។ ននុ អវិជ្ជា សង្ខារេន សហជាតាតិ? អាមន្តា ។ ហញ្ចិ អវិជ្ជា សង្ខារេន សហជាតា, តេន វត រេ វត្តព្ពេ – ‘‘អវិជ្ជាបច្ចយាបិ សង្ខារា, សង្ខារបច្ចយាបិ អវិជ្ជា’’តិ។
718. Avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti? Āmantā. Nanu avijjā saṅkhārena sahajātāti? Āmantā . Hañci avijjā saṅkhārena sahajātā, tena vata re vattabbe – ‘‘avijjāpaccayāpi saṅkhārā, saṅkhārapaccayāpi avijjā’’ti.
តណ្ហាបច្ចយាវ ឧបាទានំ, ន វត្តព្ពំ – ‘‘ឧបាទានបច្ចយាបិ តណ្ហា’’តិ? អាមន្តា។ ននុ តណ្ហា ឧបាទានេន សហជាតាតិ? អាមន្តា។ ហញ្ចិ តណ្ហា ឧបាទានេន សហជាតា, តេន វត រេ វត្តព្ពេ – ‘‘តណ្ហាបច្ចយាបិ ឧបាទានំ, ឧបាទានបច្ចយាបិ តណ្ហា’’តិ។
Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti? Āmantā. Nanu taṇhā upādānena sahajātāti? Āmantā. Hañci taṇhā upādānena sahajātā, tena vata re vattabbe – ‘‘taṇhāpaccayāpi upādānaṃ, upādānapaccayāpi taṇhā’’ti.
៧១៩. ‘‘ជរាមរណបច្ចយា , ភិក្ខវេ, ជាតិ, ជាតិបច្ចយា ភវោ’’តិ – អត្ថេវ សុត្តន្តោតិ ? នត្ថិ។ តេន ហិ អវិជ្ជាបច្ចយាវ សង្ខារា, ន វត្តព្ពំ – ‘‘សង្ខារបច្ចយាបិ អវិជ្ជា’’តិ។ តណ្ហាបច្ចយាវ ឧបាទានំ, ន វត្តព្ពំ – ‘‘ឧបាទានបច្ចយាបិ តណ្ហា’’តិ។
719. ‘‘Jarāmaraṇapaccayā , bhikkhave, jāti, jātipaccayā bhavo’’ti – attheva suttantoti ? Natthi. Tena hi avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti. Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti.
‘‘វិញ្ញាណបច្ចយា, ភិក្ខវេ, នាមរូបំ, នាមរូបបច្ចយាបិ វិញ្ញាណ’’ន្តិ 1 – អត្ថេវ សុត្តន្តោតិ? អាមន្តា។ តេន ហិ អវិជ្ជាបច្ចយាបិ សង្ខារា, សង្ខារបច្ចយាបិ អវិជ្ជា; តណ្ហាបច្ចយាបិ ឧបាទានំ, ឧបាទានបច្ចយាបិ តណ្ហាតិ។
‘‘Viññāṇapaccayā, bhikkhave, nāmarūpaṃ, nāmarūpapaccayāpi viññāṇa’’nti 2 – attheva suttantoti? Āmantā. Tena hi avijjāpaccayāpi saṅkhārā, saṅkhārapaccayāpi avijjā; taṇhāpaccayāpi upādānaṃ, upādānapaccayāpi taṇhāti.
អញ្ញមញ្ញបច្ចយកថា និដ្ឋិតា។
Aññamaññapaccayakathā niṭṭhitā.
Footnotes:
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ២. អញ្ញមញ្ញបច្ចយកថាវណ្ណនា • 2. Aññamaññapaccayakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ២. អញ្ញមញ្ញបច្ចយកថាវណ្ណនា • 2. Aññamaññapaccayakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ២. អញ្ញមញ្ញបច្ចយកថាវណ្ណនា • 2. Aññamaññapaccayakathāvaṇṇanā
