6. Aṅkolapupphiyattheraapadānaṃ

29.

‘‘Nārado ² iti me nāmaṃ, kassapo iti maṃ vidū;

Addasaṃ samaṇānaggaṃ, vipassiṃ devasakkataṃ.

30.

‘‘Anubyañjanadharaṃ buddhaṃ, āhutīnaṃ paṭiggahaṃ;

Aṅkolapupphaṃ ⁴ paggayha, buddhassa abhiropayiṃ.

31.

‘‘Ekanavutito kappe, yaṃ pupphamabhipūjayiṃ;

Duggatiṃ nābhijānāmi, buddhapūjāyidaṃ phalaṃ.

32.

‘‘Catusattatito kappe, romaso nāma khattiyo;

Āmukkamālābharaṇo, sayoggabalavāhano.

33.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā aṅkolapupphiyo ⁶ thero imā gāthāyo abhāsitthāti.

Aṅkolapupphiyattherassāpadānaṃ chaṭṭhaṃ.