| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
24. அஞ்ஜனீனித்³தே³ஸோ
24. Añjanīniddeso
அஞ்ஜனீதி –
Añjanīti –
182.
182.
வட்டாட்ட²ஸோளஸங்ஸா வா, மட்டா² வட்டதி அஞ்ஜனீ;
Vaṭṭāṭṭhasoḷasaṃsā vā, maṭṭhā vaṭṭati añjanī;
திஸ்ஸோபி மூலே கீ³வாயங், லேகா² ஏகாவ ப³ந்தி⁴துங்.
Tissopi mūle gīvāyaṃ, lekhā ekāva bandhituṃ.
183.
183.
யங் கிஞ்சி ரூபங் மாலாதி³கம்மங் மகரத³ந்தகங்;
Yaṃ kiñci rūpaṃ mālādikammaṃ makaradantakaṃ;
கோ³முத்தகட்³ட⁴சந்தா³தி³-விகாரங் நெத்த² வட்டதி.
Gomuttakaḍḍhacandādi-vikāraṃ nettha vaṭṭati.
184.
184.
லப்³பே⁴கவண்ணஸுத்தேன, ஸிப்³பி³துங் த²விகா ததா²;
Labbhekavaṇṇasuttena, sibbituṃ thavikā tathā;
ஸிபாடி குஞ்சிகாகோஸோ, ஸலாகாபி அசித்தகா.
Sipāṭi kuñcikākoso, salākāpi acittakā.
185.
185.
ஸங்க²னாபி⁴விஸாணட்டி²-நளத³ந்தமயா ததா²;
Saṅkhanābhivisāṇaṭṭhi-naḷadantamayā tathā;
ப²லகட்ட²மயா வேளு-லாகா²லோஹமயாபி ச.
Phalakaṭṭhamayā veḷu-lākhālohamayāpi ca.
186.
186.
அஞ்ஜனியோ ஸலாகாயோ, தூ⁴மனெத்தா ச லப்³ப⁴ரே;
Añjaniyo salākāyo, dhūmanettā ca labbhare;
ததா² ஸத்த²கத³ண்டா³னி, நத்து²தா³னா ச தம்மயாதி.
Tathā satthakadaṇḍāni, natthudānā ca tammayāti.
