| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
២៤. អញ្ជនីនិទ្ទេសវណ្ណនា
24. Añjanīniddesavaṇṇanā
១៨២. វដ្ដា វា អដ្ឋសោឡសំសា វា មដ្ឋា អញ្ជនី វដ្ដតីតិ យោជនា។ អដ្ឋ ច សោឡស ច អំសា កោណា យស្សា សាតិ វិគ្គហោ។ សោឡសំសបទេសវិភត្តាយ អដ្ឋំសាសុតិយា អដ្ឋំសបទេសវិភត្តា ចតុរំសាបិ សាមត្ថិយា គយ្ហតីតិ ញាតព្ពំ។ ‘‘ឧជុកមេវ បន ចតុរំសាវា’’តិ ហិ អដ្ឋកថាយំ (បារា. អដ្ឋ. ១.៨៥) វុត្តំ។ អញ្ជនីតិ អញ្ជននាឡិ។ មូលេ តិស្សោបិ លេខា វដ្ដន្តីតិ យោជនា។ មូលេតិ ពុន្ទេ, ហេដ្ឋតោតិ វុត្តំ ហោតិ។ លេខាតិ វដ្ដលេខា។ ពន្ធិតុំ គីវាយំ ឯកា ឯវ លេខា វដ្ដតីតិ សម្ពន្ធោ។ ពន្ធិតុន្តិ បិធានពន្ធនត្ថំ។
182. Vaṭṭā vā aṭṭhasoḷasaṃsā vā maṭṭhā añjanī vaṭṭatīti yojanā. Aṭṭha ca soḷasa ca aṃsā koṇā yassā sāti viggaho. Soḷasaṃsapadesavibhattāya aṭṭhaṃsāsutiyā aṭṭhaṃsapadesavibhattā caturaṃsāpi sāmatthiyā gayhatīti ñātabbaṃ. ‘‘Ujukameva pana caturaṃsāvā’’ti hi aṭṭhakathāyaṃ (pārā. aṭṭha. 1.85) vuttaṃ. Añjanīti añjananāḷi. Mūle tissopi lekhā vaṭṭantīti yojanā. Mūleti bunde, heṭṭhatoti vuttaṃ hoti. Lekhāti vaṭṭalekhā. Bandhituṃ gīvāyaṃ ekā eva lekhā vaṭṭatīti sambandho. Bandhitunti pidhānabandhanatthaṃ.
១៨៣. យំ កិញ្ចិ រូបន្តិ ឥត្ថិរូបាទិ យំ កិញ្ចិ រូបំ។ មាលាទិកម្មន្តិ មាលាកម្មំ លតាកម្មំ។ អឌ្ឍចន្ទាទីតិ ឯត្ថ អាទិ-សទ្ទេន អគ្ឃិយាទិកំ គហិតំ។ ឯត្ថាតិ អញ្ជនិយំ។
183.Yaṃ kiñci rūpanti itthirūpādi yaṃ kiñci rūpaṃ. Mālādikammanti mālākammaṃ latākammaṃ. Aḍḍhacandādīti ettha ādi-saddena agghiyādikaṃ gahitaṃ. Etthāti añjaniyaṃ.
១៨៤. ថវិកាតិ អញ្ជនិថវិកា។ សិបាដីតិ ខុរសិបាដិកា។ សលាកាបិ អចិត្តកា លព្ភាតិ សម្ពន្ធោ។ សលាកាតិ អញ្ជនិសលាកា។ នត្ថិ ចិត្តមេតិស្សាតិ អចិត្តកា។ តាទិសំ បន លភិត្វា ឧបាហនាយោ វិយ នាសេត្វា បរិភុញ្ជិតព្ពំ។
184.Thavikāti añjanithavikā. Sipāṭīti khurasipāṭikā. Salākāpi acittakā labbhāti sambandho. Salākāti añjanisalākā. Natthi cittametissāti acittakā. Tādisaṃ pana labhitvā upāhanāyo viya nāsetvā paribhuñjitabbaṃ.
១៨៥. អដ្ឋិ-សទ្ទេន មនុស្សដ្ឋិំ ឋបេត្វា យំ កិញ្ចិ អដ្ឋិ គហិតំ។
185.Aṭṭhi-saddena manussaṭṭhiṃ ṭhapetvā yaṃ kiñci aṭṭhi gahitaṃ.
១៨៦. ធូមនេត្តាតិ ធូមនាឡិកា, និស្ស អា-ការាទេសវសេន វុត្តំ។ សត្ថកទណ្ឌានីតិ សត្ថទណ្ឌា ។ នត្ថុំ ទេន្តិ ឯតាយាតិ នត្ថុទានា។ អនិយមេន ហិ នទាទិតោ វា ឦ។ តេហិ សង្ខនាភិអាទីហិ និព្ពត្តា តម្មយា។
186.Dhūmanettāti dhūmanāḷikā, nissa ā-kārādesavasena vuttaṃ. Satthakadaṇḍānīti satthadaṇḍā . Natthuṃ denti etāyāti natthudānā. Aniyamena hi nadādito vā ī. Tehi saṅkhanābhiādīhi nibbattā tammayā.
អញ្ជនីនិទ្ទេសវណ្ណនា និដ្ឋិតា។
Añjanīniddesavaṇṇanā niṭṭhitā.
