| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
២៤. អញ្ជនីនិទ្ទេសវណ្ណនា
24. Añjanīniddesavaṇṇanā
១៨២. វដ្ដា វា អដ្ឋសោឡសំសា វា មដ្ឋា បុប្ផលតាទីហិ អចិត្តកា អញ្ជនី វដ្ដតីតិ អត្ថោ។ តិស្សោបិ វដ្ដន្តិ, ឯកាយ វា ទ្វីសុ វា កថា ឯវ នត្ថីតិ អធិប្បាយោ។ លេខាតិ វដ្ដលេខា។ ពន្ធិតុន្តិ បិធានកពន្ធនត្ថំ។
182. Vaṭṭā vā aṭṭhasoḷasaṃsā vā maṭṭhā pupphalatādīhi acittakā añjanī vaṭṭatīti attho. Tissopi vaṭṭanti, ekāya vā dvīsu vā kathā eva natthīti adhippāyo. Lekhāti vaṭṭalekhā. Bandhitunti pidhānakabandhanatthaṃ.
១៨៣. រូបន្តិ សកុណរូបាទិ។ យទិ ច ឯទិសំ អញ្ញេហិ កតំ លភតិ, ឃំសិត្វា វា ឆិន្ទិត្វា វា យថា វា ន បញ្ញាយតិ, តថា សុត្តេន វេឋេត្វា វឡញ្ជេតព្ពំ។
183.Rūpanti sakuṇarūpādi. Yadi ca edisaṃ aññehi kataṃ labhati, ghaṃsitvā vā chinditvā vā yathā vā na paññāyati, tathā suttena veṭhetvā vaḷañjetabbaṃ.
១៨៤. ថវិកាតិ អញ្ជនិថវិកា។ អញ្ជនិសលាកាបិ លព្ភតីតិ សម្ពន្ធោ។
184.Thavikāti añjanithavikā. Añjanisalākāpi labbhatīti sambandho.
១៨៥-៦. អដ្ឋីតិ (មហាវ. ២៦៦; មហាវ. អដ្ឋ. ២៦៤) មនុស្សដ្ឋិំ ឋបេត្វា អវសេសដ្ឋិ។ វិសាណទន្តេសុ អកប្បិយំ នាម នត្ថិ។ អាមលកកក្កាទីហិ កតា ផលមយា។ តម្មយាតិ ឥធ វុត្តេហេវ និព្ពត្តា។ អញ្ជនីវិនិច្ឆយោ។
185-6.Aṭṭhīti (mahāva. 266; mahāva. aṭṭha. 264) manussaṭṭhiṃ ṭhapetvā avasesaṭṭhi. Visāṇadantesu akappiyaṃ nāma natthi. Āmalakakakkādīhi katā phalamayā. Tammayāti idha vutteheva nibbattā. Añjanīvinicchayo.
អញ្ជនីនិទ្ទេសវណ្ណនា និដ្ឋិតា។
Añjanīniddesavaṇṇanā niṭṭhitā.
