| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
ཨུཔཱལིཔཉྩཀཾ
Upālipañcakaṃ
ཨནིསྶིཏཝགྒཝཎྞནཱ
Anissitavaggavaṇṇanā
༤༡༧. ཨུཔཱལིཔཉྷེསུ ‘‘ཀཏི ཧི ནུ ཁོ བྷནྟེ’’ཏི པུཙྪཱཡ སམྦནྡྷོ ནཏྠཱིཏི ཀསྶཙི མཉྙནཾ ནིཝཱརེནྟོ ཨཱཧ ‘‘ཨཡ སམྦནྡྷོ’’ཏི། ཐེརོཏི ཨུཔཱལིཏྠེརོ, པུཙྪཱིཏི སམྦནྡྷོ། ཨིམེསནྟི པཉྩཀཱནཾ ཏནྟིནྟི སམྦནྡྷོ། ཀེསཾ ཨཏྠཱཡ ཏནྟིཾ ཋཔེསྶཱམཱིཏི ཨཱཧ ‘‘ནིསྶཱཡ ཝསནཀཱརཱིནཾ ཨཏྠཱཡཱ’’ཏི། ཝསནཀཱརཱིནཾ བྷིཀྑཱུནནྟི སམྦནྡྷོ། ཏེསནྟི པཉྷཱནཾ།
417. Upālipañhesu ‘‘kati hi nu kho bhante’’ti pucchāya sambandho natthīti kassaci maññanaṃ nivārento āha ‘‘aya sambandho’’ti. Theroti upālitthero, pucchīti sambandho. Imesanti pañcakānaṃ tantinti sambandho. Kesaṃ atthāya tantiṃ ṭhapessāmīti āha ‘‘nissāya vasanakārīnaṃ atthāyā’’ti. Vasanakārīnaṃ bhikkhūnanti sambandho. Tesanti pañhānaṃ.
ཨཱཔནྣོ ཀམྨཀཏོཏི ཨེཏྠ ‘‘ཨཱཔནྣོ’’ཏི པདཾ ‘‘ཀམྨཀཏོ’’ཏི པདསྶ ཀཱརཎདསྶནནྟི ཨཱཧ ‘‘ཨཱཔཏྟིཾ ཨཱཔནྣོ, ཏཔྤཙྩཡཱཝ སངྒྷེན ཀམྨཾ ཀཏཾ ཧོཏཱི’’ཏི། ཏཔྤཙྩཡཱཝཱཏི ཏཾཨཱཔཏྟིཨཱཔནྣསངྑཱཏཱ ཀཱརཎཱ ཨེཝ།
Āpannokammakatoti ettha ‘‘āpanno’’ti padaṃ ‘‘kammakato’’ti padassa kāraṇadassananti āha ‘‘āpattiṃ āpanno, tappaccayāva saṅghena kammaṃ kataṃ hotī’’ti. Tappaccayāvāti taṃāpattiāpannasaṅkhātā kāraṇā eva.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡. ཨནིསྶིཏཝགྒོ • 1. Anissitavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / ཨནིསྶིཏཝགྒཝཎྞནཱ • Anissitavaggavaṇṇanā
