| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
อุปาลิปญฺจกํ
Upālipañcakaṃ
อนิสฺสิตวคฺควณฺณนา
Anissitavaggavaṇṇanā
๔๑๗. อุปาลิปเญฺหสุ ‘‘กติ หิ นุ โข ภเนฺต’’ติ ปุจฺฉาย สมฺพโนฺธ นตฺถีติ กสฺสจิ มญฺญนํ นิวาเรโนฺต อาห ‘‘อย สมฺพโนฺธ’’ติฯ เถโรติ อุปาลิเตฺถโร, ปุจฺฉีติ สมฺพโนฺธฯ อิเมสนฺติ ปญฺจกานํ ตนฺตินฺติ สมฺพโนฺธฯ เกสํ อตฺถาย ตนฺติํ ฐเปสฺสามีติ อาห ‘‘นิสฺสาย วสนการีนํ อตฺถายา’’ติฯ วสนการีนํ ภิกฺขูนนฺติ สมฺพโนฺธฯ เตสนฺติ ปญฺหานํฯ
417. Upālipañhesu ‘‘kati hi nu kho bhante’’ti pucchāya sambandho natthīti kassaci maññanaṃ nivārento āha ‘‘aya sambandho’’ti. Theroti upālitthero, pucchīti sambandho. Imesanti pañcakānaṃ tantinti sambandho. Kesaṃ atthāya tantiṃ ṭhapessāmīti āha ‘‘nissāya vasanakārīnaṃ atthāyā’’ti. Vasanakārīnaṃ bhikkhūnanti sambandho. Tesanti pañhānaṃ.
อาปโนฺน กมฺมกโตติ เอตฺถ ‘‘อาปโนฺน’’ติ ปทํ ‘‘กมฺมกโต’’ติ ปทสฺส การณทสฺสนนฺติ อาห ‘‘อาปตฺติํ อาปโนฺน, ตปฺปจฺจยาว สเงฺฆน กมฺมํ กตํ โหตี’’ติฯ ตปฺปจฺจยาวาติ ตํอาปตฺติอาปนฺนสงฺขาตา การณา เอวฯ
Āpannokammakatoti ettha ‘‘āpanno’’ti padaṃ ‘‘kammakato’’ti padassa kāraṇadassananti āha ‘‘āpattiṃ āpanno, tappaccayāva saṅghena kammaṃ kataṃ hotī’’ti. Tappaccayāvāti taṃāpattiāpannasaṅkhātā kāraṇā eva.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๑. อนิสฺสิตวโคฺค • 1. Anissitavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / อนิสฺสิตวคฺควณฺณนา • Anissitavaggavaṇṇanā
