| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
ઉપાલિપઞ્ચકં
Upālipañcakaṃ
અનિસ્સિતવગ્ગવણ્ણના
Anissitavaggavaṇṇanā
૪૧૭. ઉપાલિપઞ્હેસુ ‘‘કતિ હિ નુ ખો ભન્તે’’તિ પુચ્છાય સમ્બન્ધો નત્થીતિ કસ્સચિ મઞ્ઞનં નિવારેન્તો આહ ‘‘અય સમ્બન્ધો’’તિ. થેરોતિ ઉપાલિત્થેરો, પુચ્છીતિ સમ્બન્ધો. ઇમેસન્તિ પઞ્ચકાનં તન્તિન્તિ સમ્બન્ધો. કેસં અત્થાય તન્તિં ઠપેસ્સામીતિ આહ ‘‘નિસ્સાય વસનકારીનં અત્થાયા’’તિ. વસનકારીનં ભિક્ખૂનન્તિ સમ્બન્ધો. તેસન્તિ પઞ્હાનં.
417. Upālipañhesu ‘‘kati hi nu kho bhante’’ti pucchāya sambandho natthīti kassaci maññanaṃ nivārento āha ‘‘aya sambandho’’ti. Theroti upālitthero, pucchīti sambandho. Imesanti pañcakānaṃ tantinti sambandho. Kesaṃ atthāya tantiṃ ṭhapessāmīti āha ‘‘nissāya vasanakārīnaṃ atthāyā’’ti. Vasanakārīnaṃ bhikkhūnanti sambandho. Tesanti pañhānaṃ.
આપન્નો કમ્મકતોતિ એત્થ ‘‘આપન્નો’’તિ પદં ‘‘કમ્મકતો’’તિ પદસ્સ કારણદસ્સનન્તિ આહ ‘‘આપત્તિં આપન્નો, તપ્પચ્ચયાવ સઙ્ઘેન કમ્મં કતં હોતી’’તિ. તપ્પચ્ચયાવાતિ તંઆપત્તિઆપન્નસઙ્ખાતા કારણા એવ.
Āpannokammakatoti ettha ‘‘āpanno’’ti padaṃ ‘‘kammakato’’ti padassa kāraṇadassananti āha ‘‘āpattiṃ āpanno, tappaccayāva saṅghena kammaṃ kataṃ hotī’’ti. Tappaccayāvāti taṃāpattiāpannasaṅkhātā kāraṇā eva.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi / ૧. અનિસ્સિતવગ્ગો • 1. Anissitavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / અનિસ્સિતવગ્ગવણ્ણના • Anissitavaggavaṇṇanā
