| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༩. ཨནིམིཏྟཔཉྷསུཏྟཝཎྞནཱ
9. Animittapañhasuttavaṇṇanā
༣༤༠. ཝིཔསྶནཱསམཱདྷིཾཡེཝ, ན ཕལསམཱདྷིཾ། ཚེཛྫཀིཙྩཾ ན ནིཔྥཛྫཏི ཨཝིཙྪེདཝསེན ཨཔྤཝཏྟནཏོ། ནིཀནྟཱིཏི ཝིཔསྶནཾ ཨསྶཱདེནྟཱི པཝཏྟཏཎྷཱ། སཱདྷེཏུཾ ནཱསཀྑི ཨུཔཀྐིལིཊྛཏྟཱ། ནིམིཏྟཱནུསཱརཱིཏི ནིཙྩསུཁཨཏྟནིམིཏྟཱནཾ ཨཔཱུརཎཏོ རཱགདོསམོཧནིམིཏྟཱནིཔེཏྠ ནིམིཏྟཱནེཝ། ཝུཊྛཱན…པེ॰… སམཱདྷིནྟི ཨེཏེན ཡཱཝ མགྒོ ནཱདྷིགཏོ, ཏཱཝ ཝུཊྛཱནགཱམིནིཝིཔསྶནམནུཡུཉྫནྟོཔི ཡཐཱརཧཾ ཨནིམིཏྟཾ ཨཔྤཎིཧིཏཾ སུཉྙཏཾ ཙེཏོསམཱདྷིཾ ཨནུཡུཏྟོ ཝིཧརཏཱིཏི ཝཏྟབྦཏཾ ཨརཧཏཱིཏི དསྶེཏི། ཝིཔསྶནཱསམྤཡུཏྟནྟི ཝིཔསྶནཱསངྑཱཏཉཱཎསམྤཡུཏྟཾ། ཙེཏོསམཱདྷིནྟི ཙིཏྟསཱིསེན ཝིཔསྶནཱསམཱདྷིམཱཧ། ཨུཔརིམགྒཕལསམཱདྷིནྟི པཋམམགྒསམཱདྷིསྶ པགེཝ ཨདྷིགཏཏྟཱ།
340.Vipassanāsamādhiṃyeva, na phalasamādhiṃ. Chejjakiccaṃ na nipphajjati avicchedavasena appavattanato. Nikantīti vipassanaṃ assādentī pavattataṇhā. Sādhetuṃ nāsakkhi upakkiliṭṭhattā. Nimittānusārīti niccasukhaattanimittānaṃ apūraṇato rāgadosamohanimittānipettha nimittāneva. Vuṭṭhāna…pe… samādhinti etena yāva maggo nādhigato, tāva vuṭṭhānagāminivipassanamanuyuñjantopi yathārahaṃ animittaṃ appaṇihitaṃ suññataṃ cetosamādhiṃ anuyutto viharatīti vattabbataṃ arahatīti dasseti. Vipassanāsampayuttanti vipassanāsaṅkhātañāṇasampayuttaṃ. Cetosamādhinti cittasīsena vipassanāsamādhimāha. Uparimaggaphalasamādhinti paṭhamamaggasamādhissa pageva adhigatattā.
ཨནིམིཏྟཔཉྷསུཏྟཝཎྞནཱ ནིཊྛིཏཱ།
Animittapañhasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༩. ཨནིམིཏྟཔཉྷཱསུཏྟཾ • 9. Animittapañhāsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༩. ཨནིམིཏྟཔཉྷཱསུཏྟཝཎྞནཱ • 9. Animittapañhāsuttavaṇṇanā
