| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៩. អនិមិត្តបញ្ហសុត្តវណ្ណនា
9. Animittapañhasuttavaṇṇanā
៣៤០. វិបស្សនាសមាធិំយេវ, ន ផលសមាធិំ។ ឆេជ្ជកិច្ចំ ន និប្ផជ្ជតិ អវិច្ឆេទវសេន អប្បវត្តនតោ។ និកន្តីតិ វិបស្សនំ អស្សាទេន្តី បវត្តតណ្ហា។ សាធេតុំ នាសក្ខិ ឧបក្កិលិដ្ឋត្តា។ និមិត្តានុសារីតិ និច្ចសុខអត្តនិមិត្តានំ អបូរណតោ រាគទោសមោហនិមិត្តានិបេត្ថ និមិត្តានេវ។ វុដ្ឋាន…បេ.… សមាធិន្តិ ឯតេន យាវ មគ្គោ នាធិគតោ, តាវ វុដ្ឋានគាមិនិវិបស្សនមនុយុញ្ជន្តោបិ យថារហំ អនិមិត្តំ អប្បណិហិតំ សុញ្ញតំ ចេតោសមាធិំ អនុយុត្តោ វិហរតីតិ វត្តព្ពតំ អរហតីតិ ទស្សេតិ។ វិបស្សនាសម្បយុត្តន្តិ វិបស្សនាសង្ខាតញាណសម្បយុត្តំ។ ចេតោសមាធិន្តិ ចិត្តសីសេន វិបស្សនាសមាធិមាហ។ ឧបរិមគ្គផលសមាធិន្តិ បឋមមគ្គសមាធិស្ស បគេវ អធិគតត្តា។
340.Vipassanāsamādhiṃyeva, na phalasamādhiṃ. Chejjakiccaṃ na nipphajjati avicchedavasena appavattanato. Nikantīti vipassanaṃ assādentī pavattataṇhā. Sādhetuṃ nāsakkhi upakkiliṭṭhattā. Nimittānusārīti niccasukhaattanimittānaṃ apūraṇato rāgadosamohanimittānipettha nimittāneva. Vuṭṭhāna…pe… samādhinti etena yāva maggo nādhigato, tāva vuṭṭhānagāminivipassanamanuyuñjantopi yathārahaṃ animittaṃ appaṇihitaṃ suññataṃ cetosamādhiṃ anuyutto viharatīti vattabbataṃ arahatīti dasseti. Vipassanāsampayuttanti vipassanāsaṅkhātañāṇasampayuttaṃ. Cetosamādhinti cittasīsena vipassanāsamādhimāha. Uparimaggaphalasamādhinti paṭhamamaggasamādhissa pageva adhigatattā.
អនិមិត្តបញ្ហសុត្តវណ្ណនា និដ្ឋិតា។
Animittapañhasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៩. អនិមិត្តបញ្ហាសុត្តំ • 9. Animittapañhāsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៩. អនិមិត្តបញ្ហាសុត្តវណ្ណនា • 9. Animittapañhāsuttavaṇṇanā
