| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
९. अनिमित्तपञ्हसुत्तवण्णना
9. Animittapañhasuttavaṇṇanā
३४०. विपस्सनासमाधिंयेव, न फलसमाधिं। छेज्जकिच्चं न निप्फज्जति अविच्छेदवसेन अप्पवत्तनतो। निकन्तीति विपस्सनं अस्सादेन्ती पवत्ततण्हा। साधेतुं नासक्खि उपक्किलिट्ठत्ता। निमित्तानुसारीति निच्चसुखअत्तनिमित्तानं अपूरणतो रागदोसमोहनिमित्तानिपेत्थ निमित्तानेव। वुट्ठान…पे॰… समाधिन्ति एतेन याव मग्गो नाधिगतो, ताव वुट्ठानगामिनिविपस्सनमनुयुञ्जन्तोपि यथारहं अनिमित्तं अप्पणिहितं सुञ्ञतं चेतोसमाधिं अनुयुत्तो विहरतीति वत्तब्बतं अरहतीति दस्सेति। विपस्सनासम्पयुत्तन्ति विपस्सनासङ्खातञाणसम्पयुत्तं। चेतोसमाधिन्ति चित्तसीसेन विपस्सनासमाधिमाह। उपरिमग्गफलसमाधिन्ति पठममग्गसमाधिस्स पगेव अधिगतत्ता।
340.Vipassanāsamādhiṃyeva, na phalasamādhiṃ. Chejjakiccaṃ na nipphajjati avicchedavasena appavattanato. Nikantīti vipassanaṃ assādentī pavattataṇhā. Sādhetuṃ nāsakkhi upakkiliṭṭhattā. Nimittānusārīti niccasukhaattanimittānaṃ apūraṇato rāgadosamohanimittānipettha nimittāneva. Vuṭṭhāna…pe… samādhinti etena yāva maggo nādhigato, tāva vuṭṭhānagāminivipassanamanuyuñjantopi yathārahaṃ animittaṃ appaṇihitaṃ suññataṃ cetosamādhiṃ anuyutto viharatīti vattabbataṃ arahatīti dasseti. Vipassanāsampayuttanti vipassanāsaṅkhātañāṇasampayuttaṃ. Cetosamādhinti cittasīsena vipassanāsamādhimāha. Uparimaggaphalasamādhinti paṭhamamaggasamādhissa pageva adhigatattā.
अनिमित्तपञ्हसुत्तवण्णना निट्ठिता।
Animittapañhasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ९. अनिमित्तपञ्हासुत्तं • 9. Animittapañhāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ९. अनिमित्तपञ्हासुत्तवण्णना • 9. Animittapañhāsuttavaṇṇanā
