| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā |
༡༠. ཨནིཙྩཏཱཀཐཱཝཎྞནཱ
10. Aniccatākathāvaṇṇanā
༦༢༨. རཱུཔཱདཱིནཾ ཨནིཙྩཏཱ རཱུཔཱདིཀེ སཏི ཧོཏི, ཨསཏི ན ཧོཏཱིཏི ཨིམིནཱ པརིཡཱཡེན ཏསྶཱ ཏེཧི སཧ ཨུཔྤཱདནིརོདྷོ ཝུཏྟོ, ཨུཔྤཱདཱདཱིསུ ཏཱིསུ ལཀྑཎེསུ ཨནིཙྩཏཱཝོཧཱརོ ཧོཏཱིཏི ཡཐཱ ཏཡོ དཎྜེ ཨུཔཱདཱཡ པཝཏྟོ ཏིདཎྜཝོཧཱརོ ཏེསུ སབྦེསུ ཧོཏི, ཨེཝཾ ཛཱཏིཛརཱམརཎདྷམྨོ ན ནིཙྩོ ཨནིཙྩོ, ཏསྶ ཛཱཏིཨཱདིཔཀཏིཏཱ ཨནིཙྩཏཱསདྡེན ཝུཙྩཏཱིཏི ཨུཔྤཱདཱདཱིསུ ལཀྑཎེསུ ཨནིཙྩཏཱཝོཧཱརོ སམྦྷཝཏཱིཏི ཝུཏྟཾ ‘‘ཏཱིསུ…པེ॰… ཧོཏཱི’’ཏི། ཝིབྷཱགཱནུཡུཉྫནཝསེནཱཏི པབྷེདཱནུཡུཉྫནཝསེན། ཏཏྠ ཡཐཱ ཛརཱབྷངྒཝསེན ཨནིཙྩཏཱ པཱཀཊཱ ཧོཏི, ན ཏཐཱ ཛཱཏིཝསེནཱཏི པཱལི༹ཡཾ ཛརཱམརཎཝསེནེཝ ཨནིཙྩཏཱཝིབྷཱགོ དསྶིཏོཏི དཊྛབྦཾ།
628. Rūpādīnaṃ aniccatā rūpādike sati hoti, asati na hotīti iminā pariyāyena tassā tehi saha uppādanirodho vutto, uppādādīsu tīsu lakkhaṇesu aniccatāvohāro hotīti yathā tayo daṇḍe upādāya pavatto tidaṇḍavohāro tesu sabbesu hoti, evaṃ jātijarāmaraṇadhammo na nicco anicco, tassa jātiādipakatitā aniccatāsaddena vuccatīti uppādādīsu lakkhaṇesu aniccatāvohāro sambhavatīti vuttaṃ ‘‘tīsu…pe… hotī’’ti. Vibhāgānuyuñjanavasenāti pabhedānuyuñjanavasena. Tattha yathā jarābhaṅgavasena aniccatā pākaṭā hoti, na tathā jātivasenāti pāḷiyaṃ jarāmaraṇavaseneva aniccatāvibhāgo dassitoti daṭṭhabbaṃ.
ཨནིཙྩཏཱཀཐཱཝཎྞནཱ ནིཊྛིཏཱ།
Aniccatākathāvaṇṇanā niṭṭhitā.
ཨེཀཱདསམཝགྒཝཎྞནཱ ནིཊྛིཏཱ།
Ekādasamavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༡༥) ༡༠. ཨནིཙྩཏཱཀཐཱ • (115) 10. Aniccatākathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༠. ཨནིཙྩཏཱཀཐཱཝཎྞནཱ • 10. Aniccatākathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༠. ཨནིཙྩཏཱཀཐཱཝཎྞནཱ • 10. Aniccatākathāvaṇṇanā
