| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೧೦. ಅನಿಚ್ಚತಾಕಥಾವಣ್ಣನಾ
10. Aniccatākathāvaṇṇanā
೬೨೮. ರೂಪಾದೀನಂ ಅನಿಚ್ಚತಾ ರೂಪಾದಿಕೇ ಸತಿ ಹೋತಿ, ಅಸತಿ ನ ಹೋತೀತಿ ಇಮಿನಾ ಪರಿಯಾಯೇನ ತಸ್ಸಾ ತೇಹಿ ಸಹ ಉಪ್ಪಾದನಿರೋಧೋ ವುತ್ತೋ, ಉಪ್ಪಾದಾದೀಸು ತೀಸು ಲಕ್ಖಣೇಸು ಅನಿಚ್ಚತಾವೋಹಾರೋ ಹೋತೀತಿ ಯಥಾ ತಯೋ ದಣ್ಡೇ ಉಪಾದಾಯ ಪವತ್ತೋ ತಿದಣ್ಡವೋಹಾರೋ ತೇಸು ಸಬ್ಬೇಸು ಹೋತಿ, ಏವಂ ಜಾತಿಜರಾಮರಣಧಮ್ಮೋ ನ ನಿಚ್ಚೋ ಅನಿಚ್ಚೋ, ತಸ್ಸ ಜಾತಿಆದಿಪಕತಿತಾ ಅನಿಚ್ಚತಾಸದ್ದೇನ ವುಚ್ಚತೀತಿ ಉಪ್ಪಾದಾದೀಸು ಲಕ್ಖಣೇಸು ಅನಿಚ್ಚತಾವೋಹಾರೋ ಸಮ್ಭವತೀತಿ ವುತ್ತಂ ‘‘ತೀಸು…ಪೇ॰… ಹೋತೀ’’ತಿ। ವಿಭಾಗಾನುಯುಞ್ಜನವಸೇನಾತಿ ಪಭೇದಾನುಯುಞ್ಜನವಸೇನ। ತತ್ಥ ಯಥಾ ಜರಾಭಙ್ಗವಸೇನ ಅನಿಚ್ಚತಾ ಪಾಕಟಾ ಹೋತಿ, ನ ತಥಾ ಜಾತಿವಸೇನಾತಿ ಪಾಳಿಯಂ ಜರಾಮರಣವಸೇನೇವ ಅನಿಚ್ಚತಾವಿಭಾಗೋ ದಸ್ಸಿತೋತಿ ದಟ್ಠಬ್ಬಂ।
628. Rūpādīnaṃ aniccatā rūpādike sati hoti, asati na hotīti iminā pariyāyena tassā tehi saha uppādanirodho vutto, uppādādīsu tīsu lakkhaṇesu aniccatāvohāro hotīti yathā tayo daṇḍe upādāya pavatto tidaṇḍavohāro tesu sabbesu hoti, evaṃ jātijarāmaraṇadhammo na nicco anicco, tassa jātiādipakatitā aniccatāsaddena vuccatīti uppādādīsu lakkhaṇesu aniccatāvohāro sambhavatīti vuttaṃ ‘‘tīsu…pe… hotī’’ti. Vibhāgānuyuñjanavasenāti pabhedānuyuñjanavasena. Tattha yathā jarābhaṅgavasena aniccatā pākaṭā hoti, na tathā jātivasenāti pāḷiyaṃ jarāmaraṇavaseneva aniccatāvibhāgo dassitoti daṭṭhabbaṃ.
ಅನಿಚ್ಚತಾಕಥಾವಣ್ಣನಾ ನಿಟ್ಠಿತಾ।
Aniccatākathāvaṇṇanā niṭṭhitā.
ಏಕಾದಸಮವಗ್ಗವಣ್ಣನಾ ನಿಟ್ಠಿತಾ।
Ekādasamavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೧೫) ೧೦. ಅನಿಚ್ಚತಾಕಥಾ • (115) 10. Aniccatākathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ಅನಿಚ್ಚತಾಕಥಾವಣ್ಣನಾ • 10. Aniccatākathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೦. ಅನಿಚ್ಚತಾಕಥಾವಣ್ಣನಾ • 10. Aniccatākathāvaṇṇanā
