| Library / Tipiṭaka / តិបិដក • Tipiṭaka / បញ្ចបករណ-អនុដីកា • Pañcapakaraṇa-anuṭīkā |
១០. អនិច្ចតាកថាវណ្ណនា
10. Aniccatākathāvaṇṇanā
៦២៨. រូបាទីនំ អនិច្ចតា រូបាទិកេ សតិ ហោតិ, អសតិ ន ហោតីតិ ឥមិនា បរិយាយេន តស្សា តេហិ សហ ឧប្បាទនិរោធោ វុត្តោ, ឧប្បាទាទីសុ តីសុ លក្ខណេសុ អនិច្ចតាវោហារោ ហោតីតិ យថា តយោ ទណ្ឌេ ឧបាទាយ បវត្តោ តិទណ្ឌវោហារោ តេសុ សព្ពេសុ ហោតិ, ឯវំ ជាតិជរាមរណធម្មោ ន និច្ចោ អនិច្ចោ, តស្ស ជាតិអាទិបកតិតា អនិច្ចតាសទ្ទេន វុច្ចតីតិ ឧប្បាទាទីសុ លក្ខណេសុ អនិច្ចតាវោហារោ សម្ភវតីតិ វុត្តំ ‘‘តីសុ…បេ.… ហោតី’’តិ។ វិភាគានុយុញ្ជនវសេនាតិ បភេទានុយុញ្ជនវសេន។ តត្ថ យថា ជរាភង្គវសេន អនិច្ចតា បាកដា ហោតិ, ន តថា ជាតិវសេនាតិ បាឡិយំ ជរាមរណវសេនេវ អនិច្ចតាវិភាគោ ទស្សិតោតិ ទដ្ឋព្ពំ។
628. Rūpādīnaṃ aniccatā rūpādike sati hoti, asati na hotīti iminā pariyāyena tassā tehi saha uppādanirodho vutto, uppādādīsu tīsu lakkhaṇesu aniccatāvohāro hotīti yathā tayo daṇḍe upādāya pavatto tidaṇḍavohāro tesu sabbesu hoti, evaṃ jātijarāmaraṇadhammo na nicco anicco, tassa jātiādipakatitā aniccatāsaddena vuccatīti uppādādīsu lakkhaṇesu aniccatāvohāro sambhavatīti vuttaṃ ‘‘tīsu…pe… hotī’’ti. Vibhāgānuyuñjanavasenāti pabhedānuyuñjanavasena. Tattha yathā jarābhaṅgavasena aniccatā pākaṭā hoti, na tathā jātivasenāti pāḷiyaṃ jarāmaraṇavaseneva aniccatāvibhāgo dassitoti daṭṭhabbaṃ.
អនិច្ចតាកថាវណ្ណនា និដ្ឋិតា។
Aniccatākathāvaṇṇanā niṭṭhitā.
ឯកាទសមវគ្គវណ្ណនា និដ្ឋិតា។
Ekādasamavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១១៥) ១០. អនិច្ចតាកថា • (115) 10. Aniccatākathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១០. អនិច្ចតាកថាវណ្ណនា • 10. Aniccatākathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១០. អនិច្ចតាកថាវណ្ណនា • 10. Aniccatākathāvaṇṇanā
