| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. အနိစ္စသုတ္တဝဏ္ဏနာ
3. Aniccasuttavaṇṇanā
၄၅. ဝိရာဂော နာမ မဂ္ဂော, ဝိမုတ္တိဖလန္တိ အာဟ – ‘‘မဂ္ဂက္ခဏေ ဝိရဇ္ဇတိ, ဖလက္ခဏေ ဝိမုစ္စတီ’’တိ။ အဂ္ဂဟေတ္ဝာတိ ဧဝံ နိရုဇ္ဈမာနေဟိ အာသဝေဟိ ‘‘အဟံ မမာ’’တိ ကဉ္စိ ဓမ္မံ အနာဒိယိတ္ဝာ။ ‘‘စိတ္တံ ဝိရတ္တံ, ဝိမုတ္တံ ဟောတီ’’တိ ဝုတ္တတ္တာ ဖလံ ဂယ္ဟတိ, ‘‘ခီဏာ ဇာတီ’’တိအာဒိနာ ပစ္စဝေက္ခဏာတိ အာဟ ‘‘သဟ ဖလေန ပစ္စဝေက္ခဏဒသ္သနတ္ထ’’န္တိ။ ဥပရိ ကတ္တဗ္ဗကိစ္စာဘာဝေန ဌိတံ။ တေနာဟ ‘‘ဝိမုတ္တတ္တာ ဌိတ’’န္တိ။ ယံ ပတ္တဗ္ဗံ, တံ အဂ္ဂဖလသ္သ ပတ္တဘာဝေန အဓိဂတတ္တာ သန္တုဋ္ဌံ ပရိတုဋ္ဌံ။
45. Virāgo nāma maggo, vimuttiphalanti āha – ‘‘maggakkhaṇe virajjati, phalakkhaṇe vimuccatī’’ti. Aggahetvāti evaṃ nirujjhamānehi āsavehi ‘‘ahaṃ mamā’’ti kañci dhammaṃ anādiyitvā. ‘‘Cittaṃ virattaṃ, vimuttaṃ hotī’’ti vuttattā phalaṃ gayhati, ‘‘khīṇā jātī’’tiādinā paccavekkhaṇāti āha ‘‘saha phalena paccavekkhaṇadassanattha’’nti. Upari kattabbakiccābhāvena ṭhitaṃ. Tenāha ‘‘vimuttattā ṭhita’’nti. Yaṃ pattabbaṃ, taṃ aggaphalassa pattabhāvena adhigatattā santuṭṭhaṃ parituṭṭhaṃ.
အနိစ္စသုတ္တဝဏ္ဏနာ နိဋ္ဌိတာ။
Aniccasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. အနိစ္စသုတ္တံ • 3. Aniccasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. အနိစ္စသုတ္တဝဏ္ဏနာ • 3. Aniccasuttavaṇṇanā
