| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣. អនិច្ចសុត្តវណ្ណនា
3. Aniccasuttavaṇṇanā
៤៥. វិរាគោ នាម មគ្គោ, វិមុត្តិផលន្តិ អាហ – ‘‘មគ្គក្ខណេ វិរជ្ជតិ, ផលក្ខណេ វិមុច្ចតី’’តិ។ អគ្គហេត្វាតិ ឯវំ និរុជ្ឈមានេហិ អាសវេហិ ‘‘អហំ មមា’’តិ កញ្ចិ ធម្មំ អនាទិយិត្វា។ ‘‘ចិត្តំ វិរត្តំ, វិមុត្តំ ហោតី’’តិ វុត្តត្តា ផលំ គយ្ហតិ, ‘‘ខីណា ជាតី’’តិអាទិនា បច្ចវេក្ខណាតិ អាហ ‘‘សហ ផលេន បច្ចវេក្ខណទស្សនត្ថ’’ន្តិ។ ឧបរិ កត្តព្ពកិច្ចាភាវេន ឋិតំ។ តេនាហ ‘‘វិមុត្តត្តា ឋិត’’ន្តិ។ យំ បត្តព្ពំ, តំ អគ្គផលស្ស បត្តភាវេន អធិគតត្តា សន្តុដ្ឋំ បរិតុដ្ឋំ។
45. Virāgo nāma maggo, vimuttiphalanti āha – ‘‘maggakkhaṇe virajjati, phalakkhaṇe vimuccatī’’ti. Aggahetvāti evaṃ nirujjhamānehi āsavehi ‘‘ahaṃ mamā’’ti kañci dhammaṃ anādiyitvā. ‘‘Cittaṃ virattaṃ, vimuttaṃ hotī’’ti vuttattā phalaṃ gayhati, ‘‘khīṇā jātī’’tiādinā paccavekkhaṇāti āha ‘‘saha phalena paccavekkhaṇadassanattha’’nti. Upari kattabbakiccābhāvena ṭhitaṃ. Tenāha ‘‘vimuttattā ṭhita’’nti. Yaṃ pattabbaṃ, taṃ aggaphalassa pattabhāvena adhigatattā santuṭṭhaṃ parituṭṭhaṃ.
អនិច្ចសុត្តវណ្ណនា និដ្ឋិតា។
Aniccasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. អនិច្ចសុត្តំ • 3. Aniccasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣. អនិច្ចសុត្តវណ្ណនា • 3. Aniccasuttavaṇṇanā
