| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. ཨནིཙྩནིབྦཱནསཔྤཱཡསུཏྟཾ
2. Aniccanibbānasappāyasuttaṃ
༡༤༧. ‘‘ནིབྦཱནསཔྤཱཡཾ ཝོ, བྷིཀྑཝེ, པཊིཔདཾ དེསེསྶཱམི། ཏཾ སུཎཱཐ…པེ॰… ཀཏམཱ ཙ སཱ, བྷིཀྑཝེ, ནིབྦཱནསཔྤཱཡཱ པཊིཔདཱ? ཨིདྷ, བྷིཀྑཝེ, བྷིཀྑུ ཙཀྑུཾ ཨནིཙྩནྟི པསྶཏི, རཱུཔཱ ཨནིཙྩཱཏི པསྶཏི, ཙཀྑུཝིཉྙཱཎཾ ཨནིཙྩནྟི པསྶཏི, ཙཀྑུསམྥསྶོ ཨནིཙྩོཏི པསྶཏི། ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནིཙྩནྟི པསྶཏི…པེ॰… ཛིཝ྄ཧཱ ཨནིཙྩཱཏི པསྶཏི, རསཱ ཨནིཙྩཱཏི པསྶཏི, ཛིཝ྄ཧཱཝིཉྙཱཎཾ ཨནིཙྩནྟི པསྶཏི, ཛིཝ྄ཧཱསམྥསྶོ ཨནིཙྩོཏི པསྶཏི , ཡམྤིདཾ ཛིཝ྄ཧཱསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནིཙྩནྟི པསྶཏི…པེ॰… མནོ ཨནིཙྩོཏི པསྶཏི, དྷམྨཱ ཨནིཙྩཱཏི པསྶཏི, མནོཝིཉྙཱཎཾ ཨནིཙྩནྟི པསྶཏི, མནོསམྥསྶོ ཨནིཙྩོཏི པསྶཏི, ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནིཙྩནྟི པསྶཏི། ཨཡཾ ཁོ སཱ, བྷིཀྑཝེ, ནིབྦཱནསཔྤཱཡཱ པཊིཔདཱ’’ཏི། དུཏིཡཾ།
147. ‘‘Nibbānasappāyaṃ vo, bhikkhave, paṭipadaṃ desessāmi. Taṃ suṇātha…pe… katamā ca sā, bhikkhave, nibbānasappāyā paṭipadā? Idha, bhikkhave, bhikkhu cakkhuṃ aniccanti passati, rūpā aniccāti passati, cakkhuviññāṇaṃ aniccanti passati, cakkhusamphasso aniccoti passati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati…pe… jivhā aniccāti passati, rasā aniccāti passati, jivhāviññāṇaṃ aniccanti passati, jivhāsamphasso aniccoti passati , yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati…pe… mano aniccoti passati, dhammā aniccāti passati, manoviññāṇaṃ aniccanti passati, manosamphasso aniccoti passati, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati. Ayaṃ kho sā, bhikkhave, nibbānasappāyā paṭipadā’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢-༥. ཨནིཙྩནིབྦཱནསཔྤཱཡསུཏྟཱདིཝཎྞནཱ • 2-5. Aniccanibbānasappāyasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢-༥. ཨནིཙྩནིབྦཱནསཔྤཱཡསུཏྟཱདིཝཎྞནཱ • 2-5. Aniccanibbānasappāyasuttādivaṇṇanā
