| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၂. အင္ဂုလိပတောဒကသိက္ခာပဒဝဏ္ဏနာ
2. Aṅgulipatodakasikkhāpadavaṇṇanā
ဟသာဓိပ္ပာယသ္သာတိ ခိဍ္ဍာဓိပ္ပာယသ္သ, ဣမိနာ ကာယသံသဂ္ဂာဓိပ္ပာယံ ပဋိက္ခိပတိ။
Hasādhippāyassāti khiḍḍādhippāyassa, iminā kāyasaṃsaggādhippāyaṃ paṭikkhipati.
ဧတ္ထ စ ဘိက္ခုနိမ္ပိ ဟသာဓိပ္ပာယေန ဖုသတော ဘိက္ခုသ္သ ဒုက္ကဋံ။ တထာ ဘိက္ခုမ္ပိ ဖုသန္တိယာ ဘိက္ခုနိယာတိ အာဟ ‘‘ဣဓ ပန ဘိက္ခုနီပိ ဘိက္ခုသ္သ, ဘိက္ခု စ ဘိက္ခုနိယာ အနုပသမ္ပန္နော ဧဝာ’’တိ။ ကာယပ္ပဋိဗဒ္ဓာဒီသု သဗ္ဗတ္ထာတိ ‘‘ကာယေန ကာယပ္ပဋိဗဒ္ဓေ, ကာယပ္ပဋိဗဒ္ဓေန ကာယေ, ကာယပ္ပဋိဗဒ္ဓေန ကာယပ္ပဋိဗဒ္ဓေ, နိသ္သဂ္ဂိယေန ကာယေ, နိသ္သဂ္ဂိယေန ကာယပ္ပဋိဗဒ္ဓေ, နိသ္သဂ္ဂိယေန နိသ္သဂ္ဂိယေ’’တိ (ပာစိ. ၃၃၂) သဗ္ဗတ္ထ။ သတိ ကရဏီယေ အာမသတောတိ သတိ ကရဏီယေ ပုရိသံ အာမသတော အနာပတ္တိ။ ဣတ္ထီ ပန သတိ ကရဏီယေပိ အာမသိတုံ န ဝဋ္ဋတိ။
Ettha ca bhikkhunimpi hasādhippāyena phusato bhikkhussa dukkaṭaṃ. Tathā bhikkhumpi phusantiyā bhikkhuniyāti āha ‘‘idha pana bhikkhunīpi bhikkhussa, bhikkhu ca bhikkhuniyā anupasampanno evā’’ti. Kāyappaṭibaddhādīsu sabbatthāti ‘‘kāyena kāyappaṭibaddhe, kāyappaṭibaddhena kāye, kāyappaṭibaddhena kāyappaṭibaddhe, nissaggiyena kāye, nissaggiyena kāyappaṭibaddhe, nissaggiyena nissaggiye’’ti (pāci. 332) sabbattha. Sati karaṇīye āmasatoti sati karaṇīye purisaṃ āmasato anāpatti. Itthī pana sati karaṇīyepi āmasituṃ na vaṭṭati.
အင္ဂုလိပတောဒကသိက္ခာပဒဝဏ္ဏနာ နိဋ္ဌိတာ။
Aṅgulipatodakasikkhāpadavaṇṇanā niṭṭhitā.
