| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૨. અઙ્ગુલિપતોદકસિક્ખાપદવણ્ણના
2. Aṅgulipatodakasikkhāpadavaṇṇanā
હસાધિપ્પાયસ્સાતિ ખિડ્ડાધિપ્પાયસ્સ, ઇમિના કાયસંસગ્ગાધિપ્પાયં પટિક્ખિપતિ.
Hasādhippāyassāti khiḍḍādhippāyassa, iminā kāyasaṃsaggādhippāyaṃ paṭikkhipati.
એત્થ ચ ભિક્ખુનિમ્પિ હસાધિપ્પાયેન ફુસતો ભિક્ખુસ્સ દુક્કટં. તથા ભિક્ખુમ્પિ ફુસન્તિયા ભિક્ખુનિયાતિ આહ ‘‘ઇધ પન ભિક્ખુનીપિ ભિક્ખુસ્સ, ભિક્ખુ ચ ભિક્ખુનિયા અનુપસમ્પન્નો એવા’’તિ. કાયપ્પટિબદ્ધાદીસુ સબ્બત્થાતિ ‘‘કાયેન કાયપ્પટિબદ્ધે, કાયપ્પટિબદ્ધેન કાયે, કાયપ્પટિબદ્ધેન કાયપ્પટિબદ્ધે, નિસ્સગ્ગિયેન કાયે, નિસ્સગ્ગિયેન કાયપ્પટિબદ્ધે, નિસ્સગ્ગિયેન નિસ્સગ્ગિયે’’તિ (પાચિ॰ ૩૩૨) સબ્બત્થ. સતિ કરણીયે આમસતોતિ સતિ કરણીયે પુરિસં આમસતો અનાપત્તિ. ઇત્થી પન સતિ કરણીયેપિ આમસિતું ન વટ્ટતિ.
Ettha ca bhikkhunimpi hasādhippāyena phusato bhikkhussa dukkaṭaṃ. Tathā bhikkhumpi phusantiyā bhikkhuniyāti āha ‘‘idha pana bhikkhunīpi bhikkhussa, bhikkhu ca bhikkhuniyā anupasampanno evā’’ti. Kāyappaṭibaddhādīsu sabbatthāti ‘‘kāyena kāyappaṭibaddhe, kāyappaṭibaddhena kāye, kāyappaṭibaddhena kāyappaṭibaddhe, nissaggiyena kāye, nissaggiyena kāyappaṭibaddhe, nissaggiyena nissaggiye’’ti (pāci. 332) sabbattha. Sati karaṇīye āmasatoti sati karaṇīye purisaṃ āmasato anāpatti. Itthī pana sati karaṇīyepi āmasituṃ na vaṭṭati.
અઙ્ગુલિપતોદકસિક્ખાપદવણ્ણના નિટ્ઠિતા.
Aṅgulipatodakasikkhāpadavaṇṇanā niṭṭhitā.
