| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
২. অঙ্গুলিপতোদকসিক্খাপদৰণ্ণনা
2. Aṅgulipatodakasikkhāpadavaṇṇanā
হসাধিপ্পাযস্সাতি খিড্ডাধিপ্পাযস্স, ইমিনা কাযসংসগ্গাধিপ্পাযং পটিক্খিপতি।
Hasādhippāyassāti khiḍḍādhippāyassa, iminā kāyasaṃsaggādhippāyaṃ paṭikkhipati.
এত্থ চ ভিক্খুনিম্পি হসাধিপ্পাযেন ফুসতো ভিক্খুস্স দুক্কটং। তথা ভিক্খুম্পি ফুসন্তিযা ভিক্খুনিযাতি আহ ‘‘ইধ পন ভিক্খুনীপি ভিক্খুস্স, ভিক্খু চ ভিক্খুনিযা অনুপসম্পন্নো এৰা’’তি। কাযপ্পটিবদ্ধাদীসু সব্বত্থাতি ‘‘কাযেন কাযপ্পটিবদ্ধে, কাযপ্পটিবদ্ধেন কাযে, কাযপ্পটিবদ্ধেন কাযপ্পটিবদ্ধে, নিস্সগ্গিযেন কাযে, নিস্সগ্গিযেন কাযপ্পটিবদ্ধে, নিস্সগ্গিযেন নিস্সগ্গিযে’’তি (পাচি॰ ৩৩২) সব্বত্থ। সতি করণীযে আমসতোতি সতি করণীযে পুরিসং আমসতো অনাপত্তি। ইত্থী পন সতি করণীযেপি আমসিতুং ন ৰট্টতি।
Ettha ca bhikkhunimpi hasādhippāyena phusato bhikkhussa dukkaṭaṃ. Tathā bhikkhumpi phusantiyā bhikkhuniyāti āha ‘‘idha pana bhikkhunīpi bhikkhussa, bhikkhu ca bhikkhuniyā anupasampanno evā’’ti. Kāyappaṭibaddhādīsu sabbatthāti ‘‘kāyena kāyappaṭibaddhe, kāyappaṭibaddhena kāye, kāyappaṭibaddhena kāyappaṭibaddhe, nissaggiyena kāye, nissaggiyena kāyappaṭibaddhe, nissaggiyena nissaggiye’’ti (pāci. 332) sabbattha. Sati karaṇīye āmasatoti sati karaṇīye purisaṃ āmasato anāpatti. Itthī pana sati karaṇīyepi āmasituṃ na vaṭṭati.
অঙ্গুলিপতোদকসিক্খাপদৰণ্ণনা নিট্ঠিতা।
Aṅgulipatodakasikkhāpadavaṇṇanā niṭṭhitā.
