| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
2. அங்கு³லிபதோத³கஸிக்கா²பத³வண்ணனா
2. Aṅgulipatodakasikkhāpadavaṇṇanā
ஹஸாதி⁴ப்பாயஸ்ஸாதி கி²ட்³டா³தி⁴ப்பாயஸ்ஸ, இமினா காயஸங்ஸக்³கா³தி⁴ப்பாயங் படிக்கி²பதி.
Hasādhippāyassāti khiḍḍādhippāyassa, iminā kāyasaṃsaggādhippāyaṃ paṭikkhipati.
எத்த² ச பி⁴க்கு²னிம்பி ஹஸாதி⁴ப்பாயேன பு²ஸதோ பி⁴க்கு²ஸ்ஸ து³க்கடங். ததா² பி⁴க்கு²ம்பி பு²ஸந்தியா பி⁴க்கு²னியாதி ஆஹ ‘‘இத⁴ பன பி⁴க்கு²னீபி பி⁴க்கு²ஸ்ஸ, பி⁴க்கு² ச பி⁴க்கு²னியா அனுபஸம்பன்னோ ஏவா’’தி. காயப்படிப³த்³தா⁴தீ³ஸு ஸப்³ப³த்தா²தி ‘‘காயேன காயப்படிப³த்³தே⁴, காயப்படிப³த்³தே⁴ன காயே, காயப்படிப³த்³தே⁴ன காயப்படிப³த்³தே⁴, நிஸ்ஸக்³கி³யேன காயே, நிஸ்ஸக்³கி³யேன காயப்படிப³த்³தே⁴, நிஸ்ஸக்³கி³யேன நிஸ்ஸக்³கி³யே’’தி (பாசி॰ 332) ஸப்³ப³த்த². ஸதி கரணீயே ஆமஸதோதி ஸதி கரணீயே புரிஸங் ஆமஸதோ அனாபத்தி. இத்தீ² பன ஸதி கரணீயேபி ஆமஸிதுங் ந வட்டதி.
Ettha ca bhikkhunimpi hasādhippāyena phusato bhikkhussa dukkaṭaṃ. Tathā bhikkhumpi phusantiyā bhikkhuniyāti āha ‘‘idha pana bhikkhunīpi bhikkhussa, bhikkhu ca bhikkhuniyā anupasampanno evā’’ti. Kāyappaṭibaddhādīsu sabbatthāti ‘‘kāyena kāyappaṭibaddhe, kāyappaṭibaddhena kāye, kāyappaṭibaddhena kāyappaṭibaddhe, nissaggiyena kāye, nissaggiyena kāyappaṭibaddhe, nissaggiyena nissaggiye’’ti (pāci. 332) sabbattha. Sati karaṇīye āmasatoti sati karaṇīye purisaṃ āmasato anāpatti. Itthī pana sati karaṇīyepi āmasituṃ na vaṭṭati.
அங்கு³லிபதோத³கஸிக்கா²பத³வண்ணனா நிட்டி²தா.
Aṅgulipatodakasikkhāpadavaṇṇanā niṭṭhitā.
