| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. അന്ധകവിന്ദസുത്തവണ്ണനാ
4. Andhakavindasuttavaṇṇanā
൧൧൪. ചതുത്ഥേ സീലവാ ഹോഥാതി സീലവന്താ ഹോഥ. ആരക്ഖസതിനോതി ദ്വാരരക്ഖികായ സതിയാ സമന്നാഗതാ. നിപക്കസതിനോതി ദ്വാരരക്ഖനകേനേവ ഞാണേന സമന്നാഗതസ്സതിനോ. സതാരക്ഖേന ചേതസാ സമന്നാഗതാതി സതാരക്ഖേന ചിത്തേന സമന്നാഗതാ. അപ്പഭസ്സാതി അപ്പകഥാ. സമ്മാദിട്ഠികാതി കമ്മസ്സകതജ്ഝാന-വിപസ്സനാമഗ്ഗ-ഫലവസേന പഞ്ചവിധായ സമ്മാദിട്ഠിയാ സമന്നാഗതാ. അപിച പച്ചവേക്ഖണഞാണമ്പി സമ്മാദിട്ഠിയേവാതി വേദിതബ്ബാ.
114. Catutthe sīlavā hothāti sīlavantā hotha. Ārakkhasatinoti dvārarakkhikāya satiyā samannāgatā. Nipakkasatinoti dvārarakkhanakeneva ñāṇena samannāgatassatino. Satārakkhena cetasā samannāgatāti satārakkhena cittena samannāgatā. Appabhassāti appakathā. Sammādiṭṭhikāti kammassakatajjhāna-vipassanāmagga-phalavasena pañcavidhāya sammādiṭṭhiyā samannāgatā. Apica paccavekkhaṇañāṇampi sammādiṭṭhiyevāti veditabbā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൪. അന്ധകവിന്ദസുത്തം • 4. Andhakavindasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൪. കുലൂപകസുത്താദിവണ്ണനാ • 1-4. Kulūpakasuttādivaṇṇanā
