| Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. อนฺธกวินฺทสุตฺตวณฺณนา
4. Andhakavindasuttavaṇṇanā
๑๑๔. จตุเตฺถ สีลวา โหถาติ สีลวนฺตา โหถฯ อารกฺขสติโนติ ทฺวารรกฺขิกาย สติยา สมนฺนาคตาฯ นิปกฺกสติโนติ ทฺวารรกฺขนเกเนว ญาเณน สมนฺนาคตสฺสติโนฯ สตารเกฺขน เจตสา สมนฺนาคตาติ สตารเกฺขน จิเตฺตน สมนฺนาคตาฯ อปฺปภสฺสาติ อปฺปกถาฯ สมฺมาทิฎฺฐิกาติ กมฺมสฺสกตชฺฌาน-วิปสฺสนามคฺค-ผลวเสน ปญฺจวิธาย สมฺมาทิฎฺฐิยา สมนฺนาคตาฯ อปิจ ปจฺจเวกฺขณญาณมฺปิ สมฺมาทิฎฺฐิเยวาติ เวทิตพฺพาฯ
114. Catutthe sīlavā hothāti sīlavantā hotha. Ārakkhasatinoti dvārarakkhikāya satiyā samannāgatā. Nipakkasatinoti dvārarakkhanakeneva ñāṇena samannāgatassatino. Satārakkhena cetasā samannāgatāti satārakkhena cittena samannāgatā. Appabhassāti appakathā. Sammādiṭṭhikāti kammassakatajjhāna-vipassanāmagga-phalavasena pañcavidhāya sammādiṭṭhiyā samannāgatā. Apica paccavekkhaṇañāṇampi sammādiṭṭhiyevāti veditabbā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. อนฺธกวินฺทสุตฺตํ • 4. Andhakavindasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๔. กุลูปกสุตฺตาทิวณฺณนา • 1-4. Kulūpakasuttādivaṇṇanā
