| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౭. అనవత్థితసుత్తం
7. Anavatthitasuttaṃ
౧౦౨. ‘‘ఛ , భిక్ఖవే, ఆనిసంసే సమ్పస్సమానేన అలమేవ భిక్ఖునా సబ్బసఙ్ఖారేసు అనోధిం కరిత్వా అనిచ్చసఞ్ఞం ఉపట్ఠాపేతుం. కతమే ఛ? ‘సబ్బసఙ్ఖారా చ మే అనవత్థితా 1 ఖాయిస్సన్తి, సబ్బలోకే చ మే మనో నాభిరమిస్సతి 2, సబ్బలోకా చ మే మనో వుట్ఠహిస్సతి, నిబ్బానపోణఞ్చ మే మానసం భవిస్సతి, సంయోజనా చ మే పహానం గచ్ఛిస్సన్తి 3, పరమేన చ సామఞ్ఞేన సమన్నాగతో భవిస్సామీ’తి. ఇమే ఖో, భిక్ఖవే, ఛ ఆనిసంసే సమ్పస్సమానేన అలమేవ భిక్ఖునా సబ్బసఙ్ఖారేసు అనోధిం కరిత్వా అనిచ్చసఞ్ఞం ఉపట్ఠాపేతు’’న్తి. సత్తమం.
102. ‘‘Cha , bhikkhave, ānisaṃse sampassamānena alameva bhikkhunā sabbasaṅkhāresu anodhiṃ karitvā aniccasaññaṃ upaṭṭhāpetuṃ. Katame cha? ‘Sabbasaṅkhārā ca me anavatthitā 4 khāyissanti, sabbaloke ca me mano nābhiramissati 5, sabbalokā ca me mano vuṭṭhahissati, nibbānapoṇañca me mānasaṃ bhavissati, saṃyojanā ca me pahānaṃ gacchissanti 6, paramena ca sāmaññena samannāgato bhavissāmī’ti. Ime kho, bhikkhave, cha ānisaṃse sampassamānena alameva bhikkhunā sabbasaṅkhāresu anodhiṃ karitvā aniccasaññaṃ upaṭṭhāpetu’’nti. Sattamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౭. అనవత్థితసుత్తవణ్ణనా • 7. Anavatthitasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౧. పాతుభావసుత్తాదివణ్ణనా • 1-11. Pātubhāvasuttādivaṇṇanā
