| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. অনৰত্থিতসুত্তং
7. Anavatthitasuttaṃ
১০২. ‘‘ছ , ভিক্খৰে, আনিসংসে সম্পস্সমানেন অলমেৰ ভিক্খুনা সব্বসঙ্খারেসু অনোধিং করিত্ৰা অনিচ্চসঞ্ঞং উপট্ঠাপেতুং। কতমে ছ? ‘সব্বসঙ্খারা চ মে অনৰত্থিতা 1 খাযিস্সন্তি, সব্বলোকে চ মে মনো নাভিরমিস্সতি 2, সব্বলোকা চ মে মনো ৰুট্ঠহিস্সতি, নিব্বানপোণঞ্চ মে মানসং ভৰিস্সতি, সংযোজনা চ মে পহানং গচ্ছিস্সন্তি 3, পরমেন চ সামঞ্ঞেন সমন্নাগতো ভৰিস্সামী’তি। ইমে খো, ভিক্খৰে, ছ আনিসংসে সম্পস্সমানেন অলমেৰ ভিক্খুনা সব্বসঙ্খারেসু অনোধিং করিত্ৰা অনিচ্চসঞ্ঞং উপট্ঠাপেতু’’ন্তি। সত্তমং।
102. ‘‘Cha , bhikkhave, ānisaṃse sampassamānena alameva bhikkhunā sabbasaṅkhāresu anodhiṃ karitvā aniccasaññaṃ upaṭṭhāpetuṃ. Katame cha? ‘Sabbasaṅkhārā ca me anavatthitā 4 khāyissanti, sabbaloke ca me mano nābhiramissati 5, sabbalokā ca me mano vuṭṭhahissati, nibbānapoṇañca me mānasaṃ bhavissati, saṃyojanā ca me pahānaṃ gacchissanti 6, paramena ca sāmaññena samannāgato bhavissāmī’ti. Ime kho, bhikkhave, cha ānisaṃse sampassamānena alameva bhikkhunā sabbasaṅkhāresu anodhiṃ karitvā aniccasaññaṃ upaṭṭhāpetu’’nti. Sattamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. অনৰত্থিতসুত্তৰণ্ণনা • 7. Anavatthitasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১১. পাতুভাৰসুত্তাদিৰণ্ণনা • 1-11. Pātubhāvasuttādivaṇṇanā
