| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൪. അനത്താനുപസ്സീസുത്തം
14. Anattānupassīsuttaṃ
൧൪൯. സാവത്ഥിനിദാനം . ‘‘സദ്ധാപബ്ബജിതസ്സ, ഭിക്ഖവേ, കുലപുത്തസ്സ അയമനുധമ്മോ ഹോതി – യം രൂപേ അനത്താനുപസ്സീ വിഹരേയ്യ. വേദനായ… സഞ്ഞായ… സങ്ഖാരേസു… വിഞ്ഞാണേ അനത്താനുപസ്സീ വിഹരേയ്യ. (സോ രൂപേ) അനത്താനുപസ്സീ വിഹരന്തോ, വേദനായ… സഞ്ഞായ… സങ്ഖാരേസു… വിഞ്ഞാണേ അനത്താനുപസ്സീ വിഹരന്തോ രൂപം പരിജാനാതി, വേദനം…പേ॰… സഞ്ഞം… സങ്ഖാരേ… വിഞ്ഞാണം പരിജാനാതി. സോ രൂപം പരിജാനം വേദനം പരിജാനം സഞ്ഞം പരിജാനം സങ്ഖാരേ പരിജാനം വിഞ്ഞാണം പരിജാനം പരിമുച്ചതി രൂപമ്ഹാ, പരിമുച്ചതി വേദനായ, പരിമുച്ചതി സഞ്ഞായ, പരിമുച്ചതി സങ്ഖാരേഹി, പരിമുച്ചതി വിഞ്ഞാണമ്ഹാ , പരിമുച്ചതി ജാതിയാ ജരായ മരണേന സോകേഹി പരിദേവേഹി ദുക്ഖേഹി ദോമനസ്സേഹി ഉപായാസേഹി; ‘പരിമുച്ചതി ദുക്ഖസ്മാ’തി വദാമീ’’തി. ചുദ്ദസമം.
149. Sāvatthinidānaṃ . ‘‘Saddhāpabbajitassa, bhikkhave, kulaputtassa ayamanudhammo hoti – yaṃ rūpe anattānupassī vihareyya. Vedanāya… saññāya… saṅkhāresu… viññāṇe anattānupassī vihareyya. (So rūpe) anattānupassī viharanto, vedanāya… saññāya… saṅkhāresu… viññāṇe anattānupassī viharanto rūpaṃ parijānāti, vedanaṃ…pe… saññaṃ… saṅkhāre… viññāṇaṃ parijānāti. So rūpaṃ parijānaṃ vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā , parimuccati jātiyā jarāya maraṇena sokehi paridevehi dukkhehi domanassehi upāyāsehi; ‘parimuccati dukkhasmā’ti vadāmī’’ti. Cuddasamaṃ.
കുക്കുളവഗ്ഗോ ചുദ്ദസമോ.
Kukkuḷavaggo cuddasamo.
തസ്സുദ്ദാനം –
Tassuddānaṃ –
കുക്കുളാ തയോ അനിച്ചേന, ദുക്ഖേന അപരേ തയോ;
Kukkuḷā tayo aniccena, dukkhena apare tayo;
അനത്തേന തയോ വുത്താ, കുലപുത്തേന ദ്വേ ദുകാതി.
Anattena tayo vuttā, kulaputtena dve dukāti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧-൧൩. കുക്കുളസുത്താദിവണ്ണനാ • 1-13. Kukkuḷasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧-൧൪. കുക്കുളസുത്താദിവണ്ണനാ • 1-14. Kukkuḷasuttādivaṇṇanā
