| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. အနတ္တလက္ခဏသုတ္တဝဏ္ဏနာ
7. Anattalakkhaṇasuttavaṇṇanā
၅၉. ပုရာဏုပဋ္ဌာကေတိ ပုဗ္ဗေ ပဓာနပဒဟနကာလေ ဥပဋ္ဌာကဘူတေ။ ‘‘အဝသဝတ္တနဋ္ဌေန အသ္သာမိကဋ္ဌေန သုညတဋ္ဌေန အတ္တပဋိက္ခေပဋ္ဌေနာ’’တိ ဧဝံ ပုဗ္ဗေ ဝုတ္တေဟိ။ ဧတ္တကေန ဌာနေနာတိ ‘‘ရူပံ, ဘိက္ခဝေ, အနတ္တာ’’တိ အာရဘိတ္ဝာ ယာဝ ‘‘ဧဝံ မေ ဝိညာဏံ မာ အဟောသီ’’တိ ဧတ္တကေန သုတ္တပဒေသေန။ အကထိတသ္သေဝ ကထနံ ဥတ္တရံ, န ကထိတသ္သာတိ ဝုတ္တံ ‘‘တာနိ ဒသ္သေတ္ဝာ’’တိ။ သမောဓာနေတ္ဝာတိ သမ္ပိဏ္ဍိတ္ဝာ။ ဝိတ္ထာရကထာတိ ဝိတ္ထာရတော အဋ္ဌကထာ။ အနတ္တလက္ခဏမေဝာတိ တဗ္ဗဟုလတာယ တပ္ပဓာနတာယ စ ဝုတ္တံ။ အနိစ္စတာဒီနမ္ပိ ဟိ တတ္ထ တံဒီပနတ္ထမေဝ ဝုတ္တတ္တာ တဒေဝ ဇေဋ္ဌံ ပဓာနံ တထာ ဝေနေယ္ယဇ္ဈာသယတော။
59.Purāṇupaṭṭhāketi pubbe padhānapadahanakāle upaṭṭhākabhūte. ‘‘Avasavattanaṭṭhena assāmikaṭṭhena suññataṭṭhena attapaṭikkhepaṭṭhenā’’ti evaṃ pubbe vuttehi. Ettakena ṭhānenāti ‘‘rūpaṃ, bhikkhave, anattā’’ti ārabhitvā yāva ‘‘evaṃ me viññāṇaṃ mā ahosī’’ti ettakena suttapadesena. Akathitasseva kathanaṃ uttaraṃ, na kathitassāti vuttaṃ ‘‘tāni dassetvā’’ti. Samodhānetvāti sampiṇḍitvā. Vitthārakathāti vitthārato aṭṭhakathā. Anattalakkhaṇamevāti tabbahulatāya tappadhānatāya ca vuttaṃ. Aniccatādīnampi hi tattha taṃdīpanatthameva vuttattā tadeva jeṭṭhaṃ padhānaṃ tathā veneyyajjhāsayato.
အနတ္တလက္ခဏသုတ္တဝဏ္ဏနာ နိဋ္ဌိတာ။
Anattalakkhaṇasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. အနတ္တလက္ခဏသုတ္တံ • 7. Anattalakkhaṇasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. အနတ္တလက္ခဏသုတ္တဝဏ္ဏနာ • 7. Anattalakkhaṇasuttavaṇṇanā
