| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. อนตฺตลกฺขณสุตฺตวณฺณนา
7. Anattalakkhaṇasuttavaṇṇanā
๕๙. ปุราณุปฎฺฐาเกติ ปุเพฺพ ปธานปทหนกาเล อุปฎฺฐากภูเตฯ ‘‘อวสวตฺตนเฎฺฐน อสฺสามิกเฎฺฐน สุญฺญตเฎฺฐน อตฺตปฎิเกฺขปเฎฺฐนา’’ติ เอวํ ปุเพฺพ วุเตฺตหิฯ เอตฺตเกน ฐาเนนาติ ‘‘รูปํ, ภิกฺขเว, อนตฺตา’’ติ อารภิตฺวา ยาว ‘‘เอวํ เม วิญฺญาณํ มา อโหสี’’ติ เอตฺตเกน สุตฺตปเทเสนฯ อกถิตเสฺสว กถนํ อุตฺตรํ, น กถิตสฺสาติ วุตฺตํ ‘‘ตานิ ทเสฺสตฺวา’’ติฯ สโมธาเนตฺวาติ สมฺปิณฺฑิตฺวาฯ วิตฺถารกถาติ วิตฺถารโต อฎฺฐกถาฯ อนตฺตลกฺขณเมวาติ ตพฺพหุลตาย ตปฺปธานตาย จ วุตฺตํฯ อนิจฺจตาทีนมฺปิ หิ ตตฺถ ตํทีปนตฺถเมว วุตฺตตฺตา ตเทว เชฎฺฐํ ปธานํ ตถา เวเนยฺยชฺฌาสยโตฯ
59.Purāṇupaṭṭhāketi pubbe padhānapadahanakāle upaṭṭhākabhūte. ‘‘Avasavattanaṭṭhena assāmikaṭṭhena suññataṭṭhena attapaṭikkhepaṭṭhenā’’ti evaṃ pubbe vuttehi. Ettakena ṭhānenāti ‘‘rūpaṃ, bhikkhave, anattā’’ti ārabhitvā yāva ‘‘evaṃ me viññāṇaṃ mā ahosī’’ti ettakena suttapadesena. Akathitasseva kathanaṃ uttaraṃ, na kathitassāti vuttaṃ ‘‘tāni dassetvā’’ti. Samodhānetvāti sampiṇḍitvā. Vitthārakathāti vitthārato aṭṭhakathā. Anattalakkhaṇamevāti tabbahulatāya tappadhānatāya ca vuttaṃ. Aniccatādīnampi hi tattha taṃdīpanatthameva vuttattā tadeva jeṭṭhaṃ padhānaṃ tathā veneyyajjhāsayato.
อนตฺตลกฺขณสุตฺตวณฺณนา นิฎฺฐิตาฯ
Anattalakkhaṇasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. อนตฺตลกฺขณสุตฺตํ • 7. Anattalakkhaṇasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. อนตฺตลกฺขณสุตฺตวณฺณนา • 7. Anattalakkhaṇasuttavaṇṇanā
