| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. অনত্তলক্খণসুত্তৰণ্ণনা
7. Anattalakkhaṇasuttavaṇṇanā
৫৯. পুরাণুপট্ঠাকেতি পুব্বে পধানপদহনকালে উপট্ঠাকভূতে। ‘‘অৰসৰত্তনট্ঠেন অস্সামিকট্ঠেন সুঞ্ঞতট্ঠেন অত্তপটিক্খেপট্ঠেনা’’তি এৰং পুব্বে ৰুত্তেহি। এত্তকেন ঠানেনাতি ‘‘রূপং, ভিক্খৰে, অনত্তা’’তি আরভিত্ৰা যাৰ ‘‘এৰং মে ৰিঞ্ঞাণং মা অহোসী’’তি এত্তকেন সুত্তপদেসেন। অকথিতস্সেৰ কথনং উত্তরং, ন কথিতস্সাতি ৰুত্তং ‘‘তানি দস্সেত্ৰা’’তি। সমোধানেত্ৰাতি সম্পিণ্ডিত্ৰা। ৰিত্থারকথাতি ৰিত্থারতো অট্ঠকথা। অনত্তলক্খণমেৰাতি তব্বহুলতায তপ্পধানতায চ ৰুত্তং। অনিচ্চতাদীনম্পি হি তত্থ তংদীপনত্থমেৰ ৰুত্তত্তা তদেৰ জেট্ঠং পধানং তথা ৰেনেয্যজ্ঝাসযতো।
59.Purāṇupaṭṭhāketi pubbe padhānapadahanakāle upaṭṭhākabhūte. ‘‘Avasavattanaṭṭhena assāmikaṭṭhena suññataṭṭhena attapaṭikkhepaṭṭhenā’’ti evaṃ pubbe vuttehi. Ettakena ṭhānenāti ‘‘rūpaṃ, bhikkhave, anattā’’ti ārabhitvā yāva ‘‘evaṃ me viññāṇaṃ mā ahosī’’ti ettakena suttapadesena. Akathitasseva kathanaṃ uttaraṃ, na kathitassāti vuttaṃ ‘‘tāni dassetvā’’ti. Samodhānetvāti sampiṇḍitvā. Vitthārakathāti vitthārato aṭṭhakathā. Anattalakkhaṇamevāti tabbahulatāya tappadhānatāya ca vuttaṃ. Aniccatādīnampi hi tattha taṃdīpanatthameva vuttattā tadeva jeṭṭhaṃ padhānaṃ tathā veneyyajjhāsayato.
অনত্তলক্খণসুত্তৰণ্ণনা নিট্ঠিতা।
Anattalakkhaṇasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. অনত্তলক্খণসুত্তং • 7. Anattalakkhaṇasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. অনত্তলক্খণসুত্তৰণ্ণনা • 7. Anattalakkhaṇasuttavaṇṇanā
