| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༠. ཨནཱཐཔིཎྜིཀསུཏྟཝཎྞནཱ
10. Anāthapiṇḍikasuttavaṇṇanā
༡༠༡. དསམེ ཀཱམཾ དེཝཏཱསཾཡུཏྟེཔི ‘‘ཨིདཾ ཧི ཏཾ ཛེཏཝན’’ནྟིཨཱདིནཱ ཨིམཱ ཨེཝ གཱཐཱ ཨཱགཏཱ། ཏཏྠ ‘‘ཨཉྙཏརཱ དེཝཏཱ’’ཏི ནིདཱནཾ ཨཱརོཔིཏཾ། ཧེཊྛཱ ཨཱགཏནཡཏྟཱ ཨེཝ ཧི པོཏྠཀེསུ ན ལིཁིཏཾ, ཨིདྷ པན དེཝཔུཏྟསཾཡུཏྟེ ‘‘ཨནཱཐཔིཎྜིཀོ དེཝཔུཏྟོ’’ཏི ནིདཱནེ ནིགམེ ཙ ཨཱགཏཾ, ཏཏྠ དེཝཔུཏྟེན སཏྠུ ཝུཏྟཔྤཀཱརགུཎཔཝེདནཝསེན ཝུཏྟཾ། སཏྠཱ པན བྷིཀྑཱུནཾ ཏམཏྠཾ པཝེདེནྟོ ‘‘ཨཉྙཏརོ དེཝཔུཏྟོ’’ཏི ཨཱཧ། ཏཐཱ པཝེདནེ པན ཀཱརཎཾ དསྶེནྟོ ‘‘ཨཱནནྡཏྠེརསྶཱ’’ཏིཨཱདིམཱཧ། ཨནུམཱནབུདྡྷིཡཱཏི ཨནུམཱནཉཱཎསྶ། ཨཱནུབྷཱཝཔྤཀཱསནཏྠནྟི བལདཱིཔནཏྠཾ།
101. Dasame kāmaṃ devatāsaṃyuttepi ‘‘idaṃ hi taṃ jetavana’’ntiādinā imā eva gāthā āgatā. Tattha ‘‘aññatarā devatā’’ti nidānaṃ āropitaṃ. Heṭṭhā āgatanayattā eva hi potthakesu na likhitaṃ, idha pana devaputtasaṃyutte ‘‘anāthapiṇḍiko devaputto’’ti nidāne nigame ca āgataṃ, tattha devaputtena satthu vuttappakāraguṇapavedanavasena vuttaṃ. Satthā pana bhikkhūnaṃ tamatthaṃ pavedento ‘‘aññataro devaputto’’ti āha. Tathā pavedane pana kāraṇaṃ dassento ‘‘ānandattherassā’’tiādimāha. Anumānabuddhiyāti anumānañāṇassa. Ānubhāvappakāsanatthanti baladīpanatthaṃ.
ཨནཱཐཔིཎྜིཀསུཏྟཝཎྞནཱ ནིཊྛིཏཱ།
Anāthapiṇḍikasuttavaṇṇanā niṭṭhitā.
དུཏིཡཝགྒཝཎྞནཱ ནིཊྛིཏཱ།
Dutiyavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. ཨནཱཐཔིཎྜིཀསུཏྟཾ • 10. Anāthapiṇḍikasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༨-༡༠. ཀཀུདྷསུཏྟཱདིཝཎྞནཱ • 8-10. Kakudhasuttādivaṇṇanā
