| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
१०. अनाथपिण्डिकसुत्तवण्णना
10. Anāthapiṇḍikasuttavaṇṇanā
१०१. दसमे कामं देवतासंयुत्तेपि ‘‘इदं हि तं जेतवन’’न्तिआदिना इमा एव गाथा आगता। तत्थ ‘‘अञ्ञतरा देवता’’ति निदानं आरोपितं। हेट्ठा आगतनयत्ता एव हि पोत्थकेसु न लिखितं, इध पन देवपुत्तसंयुत्ते ‘‘अनाथपिण्डिको देवपुत्तो’’ति निदाने निगमे च आगतं, तत्थ देवपुत्तेन सत्थु वुत्तप्पकारगुणपवेदनवसेन वुत्तं। सत्था पन भिक्खूनं तमत्थं पवेदेन्तो ‘‘अञ्ञतरो देवपुत्तो’’ति आह। तथा पवेदने पन कारणं दस्सेन्तो ‘‘आनन्दत्थेरस्सा’’तिआदिमाह। अनुमानबुद्धियाति अनुमानञाणस्स। आनुभावप्पकासनत्थन्ति बलदीपनत्थं।
101. Dasame kāmaṃ devatāsaṃyuttepi ‘‘idaṃ hi taṃ jetavana’’ntiādinā imā eva gāthā āgatā. Tattha ‘‘aññatarā devatā’’ti nidānaṃ āropitaṃ. Heṭṭhā āgatanayattā eva hi potthakesu na likhitaṃ, idha pana devaputtasaṃyutte ‘‘anāthapiṇḍiko devaputto’’ti nidāne nigame ca āgataṃ, tattha devaputtena satthu vuttappakāraguṇapavedanavasena vuttaṃ. Satthā pana bhikkhūnaṃ tamatthaṃ pavedento ‘‘aññataro devaputto’’ti āha. Tathā pavedane pana kāraṇaṃ dassento ‘‘ānandattherassā’’tiādimāha. Anumānabuddhiyāti anumānañāṇassa. Ānubhāvappakāsanatthanti baladīpanatthaṃ.
अनाथपिण्डिकसुत्तवण्णना निट्ठिता।
Anāthapiṇḍikasuttavaṇṇanā niṭṭhitā.
दुतियवग्गवण्णना निट्ठिता।
Dutiyavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १०. अनाथपिण्डिकसुत्तं • 10. Anāthapiṇḍikasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८-१०. ककुधसुत्तादिवण्णना • 8-10. Kakudhasuttādivaṇṇanā
