| Library / Tipiṭaka / තිපිටක • Tipiṭaka / කඞ්ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
5. අනාපුච්ඡාපක්කමනසික්ඛාපදවණ්ණනා
5. Anāpucchāpakkamanasikkhāpadavaṇṇanā
ආසීදන්ති එත්ථාති ආසනන්ති ආහ ‘‘පල්ලඞ්කස්සොකාසභූතෙ’’ති, ඌරුබද්ධාසනස්ස ඔකාසෙති අත්ථො. අනොවස්සකන්ති නිබ්බකොකාසං. අජ්ඣොකාසෙ උපචාරන්ති අජ්ඣොකාසෙ නිසීදිත්වා ද්වාදසහත්ථප්පමාණං පදෙසං. ගිලානායාති යා තාදිසෙන ගෙලඤ්ඤෙන ආපුච්ඡිතුං න සක්කොති . ආපදාසූති ඝරෙ අග්ගි වා උට්ඨිතො හොති, චොරො වා, එවරූපෙ උපද්දවෙ අනාපුච්ඡා පක්කමති, අනාපත්ති.
Āsīdanti etthāti āsananti āha ‘‘pallaṅkassokāsabhūte’’ti, ūrubaddhāsanassa okāseti attho. Anovassakanti nibbakokāsaṃ. Ajjhokāse upacāranti ajjhokāse nisīditvā dvādasahatthappamāṇaṃ padesaṃ. Gilānāyāti yā tādisena gelaññena āpucchituṃ na sakkoti . Āpadāsūti ghare aggi vā uṭṭhito hoti, coro vā, evarūpe upaddave anāpucchā pakkamati, anāpatti.
අනාපුච්ඡාපක්කමනසික්ඛාපදවණ්ණනා නිට්ඨිතා.
Anāpucchāpakkamanasikkhāpadavaṇṇanā niṭṭhitā.
