| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๕. อนาปุจฺฉาปกฺกมนสิกฺขาปทวณฺณนา
5. Anāpucchāpakkamanasikkhāpadavaṇṇanā
อาสีทนฺติ เอตฺถาติ อาสนนฺติ อาห ‘‘ปลฺลงฺกโสฺสกาสภูเต’’ติ, อูรุพทฺธาสนสฺส โอกาเสติ อโตฺถฯ อโนวสฺสกนฺติ นิพฺพโกกาสํฯ อโชฺฌกาเส อุปจารนฺติ อโชฺฌกาเส นิสีทิตฺวา ทฺวาทสหตฺถปฺปมาณํ ปเทสํฯ คิลานายาติ ยา ตาทิเสน เคลเญฺญน อาปุจฺฉิตุํ น สโกฺกติ ฯ อาปทาสูติ ฆเร อคฺคิ วา อุฎฺฐิโต โหติ, โจโร วา, เอวรูเป อุปทฺทเว อนาปุจฺฉา ปกฺกมติ, อนาปตฺติฯ
Āsīdanti etthāti āsananti āha ‘‘pallaṅkassokāsabhūte’’ti, ūrubaddhāsanassa okāseti attho. Anovassakanti nibbakokāsaṃ. Ajjhokāse upacāranti ajjhokāse nisīditvā dvādasahatthappamāṇaṃ padesaṃ. Gilānāyāti yā tādisena gelaññena āpucchituṃ na sakkoti . Āpadāsūti ghare aggi vā uṭṭhito hoti, coro vā, evarūpe upaddave anāpucchā pakkamati, anāpatti.
อนาปุจฺฉาปกฺกมนสิกฺขาปทวณฺณนา นิฎฺฐิตาฯ
Anāpucchāpakkamanasikkhāpadavaṇṇanā niṭṭhitā.
