| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
५. अनापुच्छापक्कमनसिक्खापदवण्णना
5. Anāpucchāpakkamanasikkhāpadavaṇṇanā
आसीदन्ति एत्थाति आसनन्ति आह ‘‘पल्लङ्कस्सोकासभूते’’ति, ऊरुबद्धासनस्स ओकासेति अत्थो। अनोवस्सकन्ति निब्बकोकासं। अज्झोकासे उपचारन्ति अज्झोकासे निसीदित्वा द्वादसहत्थप्पमाणं पदेसं। गिलानायाति या तादिसेन गेलञ्ञेन आपुच्छितुं न सक्कोति । आपदासूति घरे अग्गि वा उट्ठितो होति, चोरो वा, एवरूपे उपद्दवे अनापुच्छा पक्कमति, अनापत्ति।
Āsīdanti etthāti āsananti āha ‘‘pallaṅkassokāsabhūte’’ti, ūrubaddhāsanassa okāseti attho. Anovassakanti nibbakokāsaṃ. Ajjhokāse upacāranti ajjhokāse nisīditvā dvādasahatthappamāṇaṃ padesaṃ. Gilānāyāti yā tādisena gelaññena āpucchituṃ na sakkoti . Āpadāsūti ghare aggi vā uṭṭhito hoti, coro vā, evarūpe upaddave anāpucchā pakkamati, anāpatti.
अनापुच्छापक्कमनसिक्खापदवण्णना निट्ठिता।
Anāpucchāpakkamanasikkhāpadavaṇṇanā niṭṭhitā.
