| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৫. অনাপুচ্ছাপক্কমনসিক্খাপদৰণ্ণনা
5. Anāpucchāpakkamanasikkhāpadavaṇṇanā
আসীদন্তি এত্থাতি আসনন্তি আহ ‘‘পল্লঙ্কস্সোকাসভূতে’’তি, ঊরুবদ্ধাসনস্স ওকাসেতি অত্থো। অনোৰস্সকন্তি নিব্বকোকাসং। অজ্ঝোকাসে উপচারন্তি অজ্ঝোকাসে নিসীদিত্ৰা দ্ৰাদসহত্থপ্পমাণং পদেসং। গিলানাযাতি যা তাদিসেন গেলঞ্ঞেন আপুচ্ছিতুং ন সক্কোতি । আপদাসূতি ঘরে অগ্গি ৰা উট্ঠিতো হোতি, চোরো ৰা, এৰরূপে উপদ্দৰে অনাপুচ্ছা পক্কমতি, অনাপত্তি।
Āsīdanti etthāti āsananti āha ‘‘pallaṅkassokāsabhūte’’ti, ūrubaddhāsanassa okāseti attho. Anovassakanti nibbakokāsaṃ. Ajjhokāse upacāranti ajjhokāse nisīditvā dvādasahatthappamāṇaṃ padesaṃ. Gilānāyāti yā tādisena gelaññena āpucchituṃ na sakkoti . Āpadāsūti ghare aggi vā uṭṭhito hoti, coro vā, evarūpe upaddave anāpucchā pakkamati, anāpatti.
অনাপুচ্ছাপক্কমনসিক্খাপদৰণ্ণনা নিট্ঠিতা।
Anāpucchāpakkamanasikkhāpadavaṇṇanā niṭṭhitā.
