| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൧൨. അനാപത്തിവഗ്ഗവണ്ണനാ
12. Anāpattivaggavaṇṇanā
൧൫൦. ദ്വാദസമേ പന അനാപത്തിം ആപത്തീതിആദീസു ‘‘അനാപത്തി അജാനന്തസ്സ അഥേയ്യചിത്തസ്സ നമരണാധിപ്പായസ്സ അനുല്ലപനാധിപ്പായസ്സ നമോചനാധിപ്പായസ്സാ’’തി തത്ഥ തത്ഥ വുത്താ അനാപത്തി അനാപത്തി നാമ, ‘‘ജാനന്തസ്സ ഥേയ്യചിത്തസ്സാ’’തിആദിനാ നയേന വുത്താ ആപത്തി ആപത്തി നാമ, പഞ്ചാപത്തിക്ഖന്ധാ ലഹുകാപത്തി നാമ, ദ്വേ ആപത്തിക്ഖന്ധാ ഗരുകാപത്തി നാമ. ദ്വേ ആപത്തിക്ഖന്ധാ ദുട്ഠുല്ലാപത്തി നാമ, പഞ്ചാപത്തിക്ഖന്ധാ അദുട്ഠുല്ലാപത്തി നാമ. ഛ ആപത്തിക്ഖന്ധാ സാവസേസാപത്തി നാമ, ഏകോ പാരാജികാപത്തിക്ഖന്ധോ അനവസേസാപത്തി നാമ. സപ്പടികമ്മാപത്തി നാമ സാവസേസാപത്തിയേവ, അപ്പടികമ്മാപത്തി നാമ അനവസേസാപത്തിയേവ. സേസം സബ്ബത്ഥ ഉത്താനമേവാതി.
150. Dvādasame pana anāpattiṃ āpattītiādīsu ‘‘anāpatti ajānantassa atheyyacittassa namaraṇādhippāyassa anullapanādhippāyassa namocanādhippāyassā’’ti tattha tattha vuttā anāpatti anāpatti nāma, ‘‘jānantassa theyyacittassā’’tiādinā nayena vuttā āpatti āpatti nāma, pañcāpattikkhandhā lahukāpatti nāma, dve āpattikkhandhā garukāpatti nāma. Dve āpattikkhandhā duṭṭhullāpatti nāma, pañcāpattikkhandhā aduṭṭhullāpatti nāma. Cha āpattikkhandhā sāvasesāpatti nāma, eko pārājikāpattikkhandho anavasesāpatti nāma. Sappaṭikammāpatti nāma sāvasesāpattiyeva, appaṭikammāpatti nāma anavasesāpattiyeva. Sesaṃ sabbattha uttānamevāti.
അനാപത്തിവഗ്ഗവണ്ണനാ.
Anāpattivaggavaṇṇanā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൨. അനാപത്തിവഗ്ഗോ • 12. Anāpattivaggo
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧൦. ദുതിയപമാദാദിവഗ്ഗവണ്ണനാ • 10. Dutiyapamādādivaggavaṇṇanā
