| Library / Tipiṭaka / तिपिटक • Tipiṭaka / महावग्ग-अट्ठकथा • Mahāvagga-aṭṭhakathā |
अनापत्तिपन्नरसकादिकथा
Anāpattipannarasakādikathā
१७२. अनापत्तिपन्नरसके – ते न जानिंसूति सीमं ओक्कन्ताति वा ओक्कमन्तीति वाति न जानिंसु। अथञ्ञे आवासिका भिक्खू आगच्छन्तीति गामं वा अरञ्ञं वा केनचि करणीयेन गन्त्वा तेसं निसिन्नट्ठानं आगच्छन्ति। वग्गा समग्गसञ्ञिनोति तेसं सीमं ओक्कन्तत्ता वग्गा; सीमं ओक्कन्तभावस्स अजाननतो समग्गसञ्ञिनो।
172. Anāpattipannarasake – te na jāniṃsūti sīmaṃ okkantāti vā okkamantīti vāti na jāniṃsu. Athaññe āvāsikā bhikkhū āgacchantīti gāmaṃ vā araññaṃ vā kenaci karaṇīyena gantvā tesaṃ nisinnaṭṭhānaṃ āgacchanti. Vaggā samaggasaññinoti tesaṃ sīmaṃ okkantattā vaggā; sīmaṃ okkantabhāvassa ajānanato samaggasaññino.
१७३. वग्गावग्गसञ्ञिपन्नरसके – ते जानन्तीति पब्बते वा थले वा ठिता सीमं ओक्कन्ते वा ओक्कमन्ते वा पस्सन्ति। वेमतिकपन्नरसकं उत्तानमेव।
173. Vaggāvaggasaññipannarasake – te jānantīti pabbate vā thale vā ṭhitā sīmaṃ okkante vā okkamante vā passanti. Vematikapannarasakaṃ uttānameva.
१७५. कुक्कुच्चपकतपन्नरसके – यथा इच्छाय अभिभूतो ‘‘इच्छापकतो’’ति वुच्चति, एवं पुब्बभागे सन्निट्ठानं कत्वापि करणक्खणे अकप्पिये अकप्पियसञ्ञितासङ्खातेन कुक्कुच्चेन अभिभूता ‘‘कुक्कुच्चपकता’’ति वेदितब्बा।
175. Kukkuccapakatapannarasake – yathā icchāya abhibhūto ‘‘icchāpakato’’ti vuccati, evaṃ pubbabhāge sanniṭṭhānaṃ katvāpi karaṇakkhaṇe akappiye akappiyasaññitāsaṅkhātena kukkuccena abhibhūtā ‘‘kukkuccapakatā’’ti veditabbā.
१७६. भेदपुरेक्खारपन्नरसके – अकुसलबलवताय थुल्लच्चयं वुत्तं।
176. Bhedapurekkhārapannarasake – akusalabalavatāya thullaccayaṃ vuttaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
९५. अनापत्तिपन्नरसकं • 95. Anāpattipannarasakaṃ
९६. वग्गावग्गसञ्ञीपन्नरसकं • 96. Vaggāvaggasaññīpannarasakaṃ
९८. कुक्कुच्चपकतपन्नरसकं • 98. Kukkuccapakatapannarasakaṃ
९९. भेदपुरेक्खारपन्नरसकं • 99. Bhedapurekkhārapannarasakaṃ
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / अनापत्तिपन्नरसकादिकथावण्णना • Anāpattipannarasakādikathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / अनापत्तिपन्नरसकादिकथावण्णना • Anāpattipannarasakādikathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ९५. अनापत्तिपन्नरसकादिकथा • 95. Anāpattipannarasakādikathā
